शेती उपयोगी साहित्य व चारा भस्मसात
सुमारे 4 लाख 40 हजार रुपयाचे नुकसान
मारेगांव तालुका प्रतिनिधी:- सुरेश पाचभाई
[9922862184]
मारेगांव तालुक्यातील :- कुंभा येथील एका शेतात गोठ्याला आग लागुन गोठा जळून खाक झाला असुन शेती उपयोगी साहित्य आगीत भस्मसात झाल्याची घटना दिनांक 2 मे 2022 रोजी दुपारी 2:30 वाजताच्या दरम्यान घडली.यात नुकसान ग्रस्त शेतकऱ्याचे अंदाजे 4 लाख 40हजार रुपयाचे नुकसान झाल्याची प्राथमिक माहीती आहे. सुदैवाने कुठलीही जीवितहानी झाली नाही.
तालुक्यातील कुंभा येथील शेतकरी आशिष बबनराव गोखरे यांचे गट नं.२२/२ /ब १ हेक्टर ८८ आर एवढी शेतजमीन आहे. शेतातच बैलांना बांधण्याचा गोठा सुद्धा आहे. त्याच गोठ्यामध्ये बैलांचा चारा तसेच शेती साहित्य सुद्धा ठेवलेले होते. दिनांक 2 मे 2022रोजी दुपारी 2: 30वाजताच्या दरम्यान गोठ्याला आग लागुन त्यात 30 नग टीन, 5 एकरातील ठिबक सिंचन साठीचे लॅट्रल पाईप, 25 नग लाकडी फाटे, स्प्रिंकलर 30 नग पाईप, रासायनिक खत 10 बॅग, पशुधनासाठी असलेले वैरण,
प्लास्टिकचे 2 ड्रम, ताडपत्री तीन नग, शेतीउपयोगी अवजारे, पियुषी अंडरग्राउंड पाईप 25 नग, असे एकूण अंदाजे 4लाख 40हजाराचे साहित्य जळून खाक झाल्याची प्राथमिक माहिती आहे.घटनेची माहिती मिळताच तलाठी यांनी घटनास्थळ गाठून घटनेचा पंचनामा केला. एवढ्या मोठया प्रमाणात नुकसान झाल्याने या शेतकऱ्याला शासनाने त्वरित मदत करावी अशी मागणी जोर धरत आहे.