सुरेश पाचभाई मारेगाव,
मारेगाव तालुक्यातील बोटोणी येथील सध्या राहणार, कोंढवा बुद्रुक, पुणे येथील गिनिज वर्ल्ड रेकॉर्ड होल्डर तथा नॅशनल स्केटिंग चॅम्पियन हिंदरत्न कु. मनस्वी विशाल पिंपरे , वय ६ वर्ष हिने ७५ व्यां प्रजासत्ताक दिनानिमित्त बोटोणी ते मारेगाव बेटी बचाओ बेटी पढाओ चा नारा देत 12 किमीचे अंतर स्केटिंग करत अवघ्या३० मिनिटात यशस्वी रित्या पूर्ण केले.
मनस्वी सोबत स्केटिंग रॅली मध्ये बोटोणी येथील असंख्य युवकांनी सुद्धा सहभाग घेतला.मनस्वीचे बुरांडा,खडकी,करणवाडी आणि मारेगाव या ठिकाणी नागरिकांनी जल्लोषात स्वागत केले,मनस्वी मारेगाव येथे पोहचल्या नंतर तहसीलदार मारेगाव उत्तम निलावाड, पोलीस निरीक्षक जनार्दन खंडेराव,
नगराध्यक्ष डॉ.मनीष मस्की, कृ उ बा समिती संचालक विजय अवताडे,संजय भाऊ आवारी,भाजपचे अनुप महाकुलकर,गुरुदेव सेवा मंडळ मारेगाव तसेच जनहित संघटना मारेगाव यांच्या हस्ते मनस्वीचा सन्मान करण्यात आला,हि स्केटिंग रॅली यशस्वी करण्याकरिता बजरंग दल,छत्रपती युवा शक्ती प्रतिष्ठान,गुरुदेव सेवा मंडळ,तथागत युवा मंडळ आणि समस्त ग्रामस्थ बोटोणी यांचे विशेष सहकार्य लाभले.तिने केलेल्या या अनोख्या उपक्रमाचे सर्वत्र कौतुक केले जात आहे.
