वणी तालुक्यातील पुनवट जवळील घटना
वणी प्रतिनीधी.
वणी तालुक्यातील पुनवट रस्त्याची डागडुजी करणाऱ्या मजुरांना भरधाव ट्रकने 4 मजुरांना चिरडल्याने 2 मजूर जागीच ठार झाले तर 2गंभीर जखमी झाल्याची घटना आज दिनांक 4 मे 2022 रोज बुधवारला सायंकाळी 4:30 वाजताच्या सुमारास पुनवट गावा जवळ ही घटना घडली.
वणी ते चंद्रपूर रस्ता आयव्हीआरसीएल या बांधकाम कंपनीने हा रस्ता तयार केला आहे. मात्र नित्कृष्ठ दर्जाचे काम झाल्याने या सिमेंट रोडवर मोठं मोठ्या भेगा पडल्या आहे. त्यामुळे रस्त्यावर दुचाकीस्वारांचे नेहमीच अपघात होत असतात.सिमेंटच्या रस्त्याला भेगा पडल्याने त्या भेगा बुजवण्याचे काम सुरु केले आहे.
पुनवट गावाजवळ रस्ता दुरुस्तीचे काम मजुरांकडून सुरु असतांना वणी कडून भरधाव येणाऱ्या ट्रक क्र एम एच 31 एफसी 6399 ने काम करीत असलेल्या चार मजुरांना चिरडले या मध्ये 2 मजुरांचा जागीच मृत्यू झाला तर 2 मजूर गंभीर जखमी झाले असुन. जखमींना वणी येथील ग्रामीण रुग्णालयात उपचारासाठी दाखल करण्यात आले आहे. मृतकाचे नाव महादेव धर्माजी भटवलकर (६५) बेलोरा, राजु देवराव मिलमिले (२८) कोठोडा. ता. केळापूर तर जखमी सुरेश देवराव जुनगरी ४०, सचिन प्रभाकर गेडाम (३५) रा. बेलोरा यांच्यावर प्राथमिक उपचार करून पुढिल उपचारासाठी जखमी ना चंद्रपूर येथे हालविण्यात आले आहे. या घटनेचे पुढील तपास शिरपूर पोलीस करीत आहे.
