वणी तालुक्यातील मोहदा येथील घटना
वणी प्रतिनिधी..
शिरपूर पोलीस स्टेशन अंतर्गत येत असलेल्या वणी तालुक्यातील मोहदा गावामध्ये असलेल्या साई मिनरल्स स्टोन व क्रेशर या दगड खाणीमध्ये हि दुर्देवी घटना घडली. मंगळवार रात्रीच्या 1 वाजताच्या सुमारास गिट्टी क्रेशर मध्ये अडकून एका मजुराचा दुर्दैवी मृत्यू झाल्याची घटना आज सकाळी उघडकीस आली आहे.
भिषम लाल यादव वय सुमारे 19 वर्षे रा. पमरा ता. जुहिली जि. अनपुर (मध्य प्रदेश) अशे मृतकाचे नाव असून
सविस्तर वृत्त असे की :- साई मिनरल्स स्टोन क्रशरमध्ये भिषमलाल हा युवक कामगार (labour) काम करत होता. रात्री क्रेशर चालू असतांनी क्रेशरमध्ये पडून भिषम लाल यादव (मध्यप्रदेश ) त्याचा जागीच मृत्यू झाला.ही घटना मंगळवारी रात्री 1 वाजेच्या सुमारास घडली. याबाबत माहिती प्राप्त होताच शिरपूर पोलीस घटना स्थळी दाखल होऊन. घटना स्थळ पंचनामा करून उत्तरीय तपासणीसाठी वणी ग्रामीण रुग्णालयात पाठविण्यात आले असून या घटनेचा पुढील तपास शिरपूर पोलीस ठाण्याचे ठाणेदार गजानन करेवाड यांच्या मार्गदर्शनाखाली पुढील तपास शिरपूर पोलिस करीत आहे.
