डोर्ली खूण प्रकारणातील चारही आरोपी गजाआड.

मारेगांव तालुका प्रतिनिधी:- सुरेश पाचभाई
[9922862184]

मारेगाव दिनांक १५ :-डोर्ली येथिल खून प्रकरणी एका संशयितास ताब्यात घेण्यात आले होते. त्यास पोलीस कोठडी न्यायालयाने सुनावली होती. संशयिताकडून सर्व नियोजीत कट आणि त्यातील अन्य तीन संशयितास ताब्यात घेण्यात पोलिसांना यश आले आहे.मारेगाव तालुक्यातील डोर्ली येथे ता.९ ला शेतशिवारात येथिल शेतकरी विलास गौरकर वय सुमारे ५० यांचा संशयास्पद मृतदेह आढळला होता. खुन झाल्याचे निष्पन्न झाले असता गावातील एका संशयितास पोलिसांनी ताब्यात घेतले होते.

न्यायालयाने पोलीस कोठडी सुनावली होती. यात पोलिसांनी संशयिताकडून संपुर्ण घटनाक्रम उघडकीस आणत अन्य तीन संशयितांना ता.१४ ला रात्री अत्यंत शिताफीने ताब्यात घेण्यात आले आहे. डोर्ली येथिल संशयीत विशाल बापुराव झाडे वय सुमारे ३० याचा मृतकाच्या भावाशी जागेबाबत वाद होता तर संशयीत अजित गौबिदास फुलझेले वय सुमारे ३९ राहणार नवरगाव याच्याशी शेतीच्या बांधाचा वाद होता अशातच  संशयित प्रशांत भोजराज काटकर वय३४ संशयीत रुपेश शंकर नैताम वय २९ मारेगाव येथे एका बारमध्ये  संगनमत करून मृतकाचा भाऊ सतिश गौरकर यांच्या बैलजोडीला विषारी इंजेशन देऊन ठार मारून आर्थिक नुकसान करण्याचा बेत आखून ता.८ रोजी रात्री साडेसात वाजताच्या सुमारास मृतक शेतकरी विलास गौरकर आणि भावाची शेतजमीन लगत आहे.

मृतकाच्या शेतात भुईमुंग लागवड केली आहे.पिकाचे  रक्षण करण्याकरिता मृतक शेतामध्ये गेले असता गोठ्याजवळ हे चारही संशयीत आढळुन आले.मृतकाने आरडाओरड केली असता दुपट्याने गळा आवळून जीवानिशी चारही संशयिताने ठार केले. चारही संशयितांना ताब्यात घेतले असुन न्यायालयात हजर केले असता ४ दिवसाची  पोलीस कोठडी सुनावण्यात आली आहे.

संशयितांचा शिताफीने शोध घेण्याचे नियोजन आखून  ठाणेदार राजेश पुरी, उपनिरीक्षक डी.जी सावंत, सहाय्यक उपनिरीक्षक प्रमोद जिड्डीवार,नाईक अजय वाभिटकर,राजु टेकाम, रजनीकांत पाटील,सुलभ उईके, नितीन खांदवे, यांनी संशयितांना ताब्यात घेतले.