दोन वर्षा आधी बंद झालेली बस सेवा सुरू करण्याची मागणी.

शिवणी (धोबे) येथील नागरिकांचे आमदार संजिवरेड्डी बोदकुरवार यांना दिले निवेदन

प्रसाद सुधाकरराव ढवस यांची मागणी.

मारेगांव तालुका प्रतिनिधी:- सुरेश पाचभाई
[9922862184]

मारेगाव तालुक्यातील :-अखेर च्या टोकाला असलेल्या गाव शिवणी (धोबे) ते वणी येथे जाणारी बस सेवा हि गेल्या दोन वर्षापासून कोरोनाच्या महामारी पासुन बस सेवा बंद आहे.त्यामुळे काल दिनांक 13 मे 2022 रोज शुक्रवारला वणी विधानसभा क्षेत्राचे आमदार संजिवरेड्डी बोदकुरवार यांना प्रसाद सुधाकरराव ढवस यांनी निवेदन दिले आहे.

कोरोनाच्या महामारी (कोविड-19)मुळे संपुर्ण देशातील शैक्षणीक क्षेत्रातील वेळापत्रकात झालेला बदला मुळे महाविद्यालयीन विद्यार्थ्यांच्या परीक्षा पुढे सरकवल्या गेल्या त्यामुळे विद्यार्थ्यांना व गावांतील वृद्धांना, नागरिकांना वणी येथे ये-जा करता कमालीचा बस अभावी त्रास सहन करावा लागत आहे.आणी परिसरातील लोकांना खासगी भाड्याच्या वाहणाचा मनमानी किराया नाइलाजास्तव देवुन वापर करावा लागत आहे.

हि बस सेवा लवकरात लवकर सुरु करण्यात यावी अशी मागणी होत आहे. व या भागातील मौजा शिवणी (धोबे) ते वणोजा (देवी) सुमारे अंतर 8.5 कि.मी या रस्त्यावर मोठ्या प्रमाणात ओव्हर लोड ट्रकची वाहतुक होत असते त्या मुळे रस्त्यात मोठ-मोठे खड्डे पडलेले आहे. या मार्गाने ये- जा करणाऱ्या लोकांच्या मनात एकच विचार पळत आहे. “रस्त्यात खड्डे की रस्ता खड्यात..? व या मार्गाने प्रवास करणाऱ्या मोटारसायकल चालकांना कंबरेच्या दुखण्यामध्ये कमालीची वाढ झाल्याची माहिती गावकऱ्याकडून प्राप्त झाली आहे.

या गंभीर विषया कडे प्रशासनाने लक्ष द्यावे अशी मागणी प्रसाद सुधाकरराव ढवस भारतीय जनता युवा मोर्चा जिल्हा सचिव,आत्मा समिती अध्यक्ष मारेगाव तालुका.यांनी गावकऱ्यांच्या वतीने निवेदनातून केली
आहे.