मारेगाव तालुक्याचा दहावी निकालात झेंडा

विद्या निकेतनचा १०० टक्के जलवा!

सुरेश पाचभाई | मारेगाव

मारेगाव : माध्यमिक आणि उच्च माध्यमिक शिक्षण मंडळातर्फे घेण्यात आलेल्या इयत्ता दहावीच्या परीक्षेचा निकाल काल दिनांक ८ मे २०२६ रोज शुक्रवारी सकाळी ११:३० वाजता ऑनलाइन जाहीर करण्यात आला. यावर्षी मारेगाव तालुक्याचा एकूण निकाल ८५ टक्के लागला असून विद्यार्थ्यांनी समाधानकारक यश संपादन केले आहे. तालुक्यातील मुलींनी पुन्हा एकदा उज्ज्वल कामगिरी करत गुणवत्ता यादीत आपला ठसा उमटविला.

तालुक्यातून एकूण १ हजार ८ विद्यार्थ्यांनी परीक्षेसाठी अर्ज केला होता. त्यापैकी ९८७ विद्यार्थ्यांनी प्रत्यक्ष परीक्षा दिली. यामधून ८३९ विद्यार्थी उत्तीर्ण झाले. उत्तीर्ण विद्यार्थ्यांमध्ये गुणवत्ता प्रवर्गात ६३, प्रथम श्रेणीत २०२, द्वितीय श्रेणीत ३५४ तर उत्तीर्ण प्रवर्गात २२० विद्यार्थ्यांचा समावेश आहे.

यावर्षी विद्या निकेतन इंग्लिश मीडियम स्कूल, मारेगाव या शाळेने शंभर टक्के निकालाची नोंद करत तालुक्यात विशेष मान पटकावला. शाळेतील तब्बल २२ विद्यार्थी गुणवत्ता प्रवर्गात उत्तीर्ण झाले. तसेच चिंधुजी पुरके आश्रम शाळेने ९७.०३ टक्के, गिरजाबाई शाळा पिसगावने ९६.१५ टक्के तर शासकीय आश्रम शाळा बोटोनीने ९१.६६ टक्के निकाल मिळवत उल्लेखनीय यश संपादन केले.
शाळानिहाय निकाल

जगन्नाथ महाराज विद्यालय, वेगाव – ९१.८१%
राष्ट्रीय विद्यालय, हिवरा मजरा – ७८.२६%
शासकीय आश्रम शाळा, बोटोनी – ९१.६६%
दर्शन भारती विद्यालय, गोंडबुरंडा – ८९.२८%
कै. लक्ष्मीबाई मोघे शाळा, जळका – ५८.३३%
राष्ट्रीय विद्यालय, मारेगाव – ८९.०२%

संकेत शाळा, सराटी – ६०%
जीवन विकास शाळा, हटवांजरी – ७८.७२%
संकेत शाळा, गौराळा – ७३.३३%
विद्या निकेतन इंग्लिश मीडियम स्कूल, मारेगाव – १००%
चिंधुजी पुरके आश्रम शाळा, मारेगाव – ९७.०३%

संत गजानन महाराज विद्यालय, नरसाळा – ७६.१९%
आदर्श हायस्कूल, मारेगाव – ९१.०५%
पंचशील विद्यालय, नवरगाव – ८९.७४%
आदर्श हायस्कूल, मार्डी – ६४.४४%
बालाजी पंत चोपणे विद्यालय, बोटोनी – ९०.९०%
दामोदर पंत कन्या शाळा, मारेगाव – ७३.३३%
भारत विद्या मंदिर, कुंभा – ७८.०२%

महात्मा ज्योतिबा फुले शाळा, मारेगाव – ८७.५०%
कर्मवीर भाऊराव पाटील शाळा, चिंचमंडळ – ७६.६६%
नेताजी सुभाषचंद्र बोस शाळा, म्हैसदोडका – ८०.९५%
युगांतर आश्रम शाळा, कान्हाडगाव – ८६.९५%
गिरजाबाई शाळा, पिसगाव – ९६.१५%