मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यातील पहापळ येथील घटनेची दखल घेत महाराष्ट्र नवनिर्माण सेनेचे राज्य उपाध्यक्ष राजूभाऊ उंबरकर यांनी रविवारला पिडीत कुटुंबियांची सांत्वनापर भेट घेत आर्थिक मदत केली.तसेच पिडीत बलिकेच्या वैद्यकीय उपचाराची जबाबदारी राजुभाऊ उंबरकर यांनी घेतली.
मारेगाव तालुक्यातील पहापळ येथील हि घटना दिनांक 9 मे 2022 रोजी सायंकाळी 7 वाजताच्या सुमारास घडली होती. पोलीस सूत्राच्या माहितीनुसार पीडित मुलगी आजी सोबत शौचास गावाबाहेर गेली होती दरम्यान संशयित आरोपी मारोती मधुकर भेंडाळे वय 33 वर्षे रा. पहापळ असे नाबालिक पीडितेवर अत्याचार करणाऱ्या नराधमाचे नाव होते
तिला शेतशिवारात उचलून नेले. तेथे तिच्यावर लैंगिक अत्याचार केला.व आरोपीने गावातून पोबारा केल्याची माहिती आरोपीने पोलिसांना दिली. या घटनेने मारेगाव तालुका हादरून गेला होता. नराधमाला फाशी च्या शिक्षेची मागणी विविध स्तरावरून होत आहे.
पहापळ येथील एका नराधमाने 6 वर्षाच्या चिमुकल्या बालिकेवर लैंगिक अत्याचार करून तिला काटेरी फासात टाकुन दिले.व वरून पुन्हा काट्या टाकुन त्यावर दगड ठेवले व नराधम फरार झाला होता,काही वेळातच मारेगाव पोलिसांनी मोठया शिताफीने वडकी येथुन अटक केली होती.या घटनेची दखल घेत महाराष्ट्र नवनिर्माण सेनेचे राज्य उपाध्यक्ष राजूभाऊ उंबरकर यांनी रविवारला पिडीत कुटुंबियांची सांत्वनापर भेट घेतली.
यावेळी महिला जिल्हाध्यक्ष अर्चनाताई बोदाडकर, जिल्हा उपाध्यक्ष संतोष रोगे, नबी शेख, विलन बोदाडकर , फाल्गुन गोहोकर, शिवराज पेचे, सिंधुताई बेसकर , चांद बहादे, आकाश खामनकर इत्यादी पदाधिकारी व असंख्य कार्यकर्ते उपस्थित होते.
