पावसाळ्याच्या तोंडावर शेतकऱ्यांच्या बॅकेत चकरा
पिककर्ज वाटप वाटपाला विलंब
तालुका प्रतिनीधी :-झरी (जामणी) ज्ञानेश्वर आवारी
[88059 79173]
झरी जामणी :- अर्धाअधिक मे महिना संपत आला तरी पीक कर्जाचे वाटप सुरू न झाल्याने पीककर्जाचे वाटप कधी होणार याकडे शेतकऱ्याची लक्ष लागलेले आहे .दरवर्षीप्रमाणे यावर्षी शेतकऱ्यांनी 31 मार्च च्या आत पीक कर्जाची परतफेड केली आहे . दरवर्षी मार्च महिन्यात च वाटपाला सुरुवात होत होती . परंतु यावर्षी तालुक्यातील सर्वच कार्यकारी संस्थेच्या निवडणुका पार पडल्या आहे .
अजून काही सोसायटी ची अध्यक्ष उपाध्यक्ष निवडीची प्रक्रिया पूर्ण व्हायची आहे. या सर्व प्रक्रियेमध्ये पिककर्ज वाटप मागे पडले आहे . तालुक्यात घडीला आजच्या २०% वाटप झाले नसल्याचे दिसून येत आहे .शेतीच्या उन्हाळी मशागतीच्या कामाला वेग आला असून शेणखत टाकणे , ट्रॅक्टरने नागरट , बांधा बंधीस्ती सोबत अंडरग्राऊंड पाईप लाईन , तार कंपाऊंड , गोठा दुरुस्ती इ . कामे पाऊस पडायच्या आत उरकावी लागले . या कामासाठी मजूर व साहित्य खरेदीसाठी नगदी पैशाची नितांत गरज असते .पांदण रस्त्याच्या अभावामुळे पाऊस पडला की शेतात ट्रकटर इ . वाहन किंवा बैल गाडी घेऊन जाणे कठीण होऊन जाते .
त्यामुळे अर्धे अधिक शेतकरी मे महिन्यातच शेतात रासायनिक खत वगैरे साठवून ठेवतात . यावर्षी खताचे दर वाढल्याने खरेदीठी मोठी रक्कम मोजावी लागणार आहे.. पैशाअभावी ही कामे रखडली आहेत . अल्प व अत्यल्प भूधारक शेतकरी जुळवाजुळव करून 31 मार्च जुने पिककर्जाची परतफेड करत असतो . लवकरच कर्जाची रक्कम खात्यावर जमा होईल ही अपेक्षा होती . परंतु निवडणूक आणि कर्मचाऱ्यांच्या बदल्या या सगळ्यामुळे पीककर्ज वाटप झाले नसल्याचे अनेक शेतकरी बँकेत चकरा मारताना दिसते आहे .
