आजपर्यंत ३७७ मी.मी पावसाची नोंद
आज पावसाचा जोर कायम , नदी -नाल ओव्हर फ्लो , गावचा संपर्क तुटण्याची शक्यता.
तालुका प्रतिनीधी :-झरी (जामणी) ज्ञानेश्वर आवारी
[88059 79173]
झरी जामणी:- हवामान खात्याचा अंदाज चुकतात मृग व आर्दा ही पावसाचे दोन नक्षत्र कोरडी गेली . काही ठिकाणी तुरळ व अनियमित पावसाने कपासीची दुबार तिबार टोबणी करण्याची वेळ बळीराजावर आली.दमदार पाऊस व्हावे या साठी देवाकडे साकडे घालण्यात आले.परंतु जुलै महिना सुरू झाला आणि पावसाचा जोर हळू हळू वाढला गेला.१० ११ व १२ तारखेला पावसाने चांगलेच झोडपून काढले.नदी नाले तुडुंब भरून वाहायला लागले.
रात्रंदिवस पडलेल्या पावसाने नदी व नाल्याला आलेल्या पुराने गावाचा संपर्क तुटला.पैनगंगा व खूनी नदी दुथडी भरून वाहू लागली असून नदी जवळील गावांना प्रशासनाकडून सतर्कतेचा इशारा देण्यात आला आहे.या पावसाच्या पुराचे पाणी घरात शिरल्या ने घरची पडझड झाली आहे.अनेक ठिकाणी शेतात पाणी साचल्याने कोवळ्या पिकं सडून गेले आहे.घोन्सा येथे वेकोली च्या खुल्या खाणीच्या माती ढिगार्याला विदर्भ नदीचे पाणी अडल्याने गावातील आठवडी बाजार परिसरात पाणी शिरले तसेच हनुमान मंदिराच्या पायऱ्यांपर्यत पाणी आले होते.
झरी मधून जाणाऱ्या नाल्याचे पाणी अरुंद पुलाला अडल्याने काही दुकानात जाऊन अनेक व्यवसायीकांचे नुकसान झाले आहे .गेल्या दहा दिवसा पासून शेतीच्या कामाचा खोळंखा झाला आहे डवरणी ,निंदण ,फवारणी खत व्यवस्थापन इ. कामे थांबले असून शेतात तणाचा वाढ झाली आहे . त्यामुळे निंदन खूरपण व तणनाशकांचा खर्च वाढण्याची शक्यता आहे .
प्रतिक्रिया…
झरी तालुक्यात मुख्यालयात ८२ मी. मी . पाऊस पडला आहे . आजपर्यंत एकूण पाऊस ३७७ मी.मी .जिवित हानी झाली नसली तरी दोन बैलाचा पुराणे वाहत जावून मृत्यू झाला . ३७ घराचे अंशतः नुकसान झाले . १३२० .०० अंदाजे हेक्टर शेतीचे नुकसान झाले असल्याची माहिती तहशील प्रशासनाकडून प्राप्त झाली आहे.
