बांधकामाच्या रेतीत कापडात कुजल्या अवस्थेत आढळलेला सांगाडा कुणाचा ?
मुकुटबन पोलीसांची पाच तास चौकशी
तालुका प्रतिनीधी :-झरी (जामणी) ज्ञानेश्वर आवारी
[88059 79173]
झरी जामणी :- मुकूटबन येथे उभारण्यात येत असलेल्या रिलायन्स सिमेंट कंपनी व एम.पी बिर्ला ग्रुप चे बांधकाम मागील दोन ते अडीच वर्षापासून होत आहे . येथील बांधकामासाठी गडचिरोली ,चंद्रपूर जिल्ह्यातील उत्तम प्रतीचे टिप्पर द्वारे रेती बोलविण्यात आले. गेल्या दोन वर्षात शेकडो ट्रीप रेती कामी लावण्यात येत आहे. मात्र त्याच रेतीत एका अनोळखी व अंगावर कपडे नसलेल्या कुजलेल्या अवस्थेत एका कपड्यात गुंडाळलेल्या स्थितीत सांगाडा रेतीत आढळला.
चौकशीसाठी पोलीस स्टेशनला रिपोर्ट देण्यात आले . येथील पोलिसांनी तब्बल पाच तास त्या कुजलेल्या सांगाड्याची चौकशी करून डी एन ए टेस्ट करण्यासाठी अमरावती येथे पाठवण्यात आल्याचे पोलिसांकडून माहिती मिळाली. कपड्यात गुंडाळून सापडलेला, कुजलेल्या सांगाडा कुणाचा? घटना कुठे घडली . घातपात कुठे झाला, कंपनीत की बाहेर, असे अनेक प्रश्न उपस्थित होत असून पत्रकारांना त्या ठिकाणावर जाऊ न देणे. यासर्व गोष्टी संशयास्पद वाटत आहे . या संदर्भात ठाणेदार अजित जाधव यांच्या मार्गदर्शनाखाली सुरपाम, बोरकर, ताडकोपुलवार, संजय खांडेकर, घोडाम अधिक चौकशी करीत आहे
