मारेगांव तालुका प्रतिनिधी:- सुरेश पाचभाई
मो. [9922862184]
मारेगाव तालुका कृषी विभाग कडून आज दिनांक 7 सप्टेंबर 2022 रोज बुधवारला दुपारी 2 वाजताच्या सुमारास कृषी विभागा मार्फत कृषी उत्पन्न बाजार समीती सभागृह मारेगाव येथे प्रधानमंत्री सुक्ष्म अन्न प्रक्रीया योजनेची कार्यशाळा पार पडली.
हि योजना केंद्र सरकारची असुन त्यामध्ये छोट्या उद्योगांना प्राधान्य देऊन शेतकरी व बचत गट यांना एक घटक समजुन 10% आपण खर्च करायचे आहे 35%अनुदान असून त्यासाठी 55 % बॅंक कडून कर्ज मिळणार आहे.अनुदान कर्ज शेतकऱ्याचा व बचत गटाच्या खात्यात जमा होणार आहे.
त्यामध्ये छोट्या उद्योगाना प्रधान देण्यात येणार आहे.
दालमील,आटाचक्की,शेवया,पशूखाद्य व्यवसाय,पक्षीखाद्य व्यवसाय पण केवळ कच्चा माल न ठेवता त्याला पॅकींग देऊन पक्का करण्याबाबत माहिती देण्यात आली.या कार्यक्रमाचे अध्यक्ष म्हणून प्रसाद सुधाकर ढवस(आत्माअध्यक्ष) हे होते.
तर प्रमुख पाहूणे श्री टाले सर (उमेद) कु.अक्षता बन्सोड (स्टेट बॅंक ऑफ इंडिया AO) कार्यक्रमाचे प्रास्तावीक तालुका कृषी अधिकारी सुनिल निकाळजे यांनी केले.कार्यक्रमाला मार्गदर्शक म्हणून श्री सुर्यवंशी सर यवतमाळ यांनी ऑनलाईन कॉन्फरेन्स द्वारे मार्गदर्शन केले.श्यामल राऊत यांनी प्रधानमंत्री सुक्ष्मअन्न प्रक्रीया योजनेची माहिती दिली व मार्गदर्शन केले.
कार्यक्रमाचे सुत्रसंचालन प्रसन्ना पारस्कर यांनी केले. आभार प्रदर्शन पवार सर यांनी केले या कार्यक्रमला तालुक्यातील बचत गट महिला शेतकरी,महिला व पुरूष मोठ्या संख्येने हजर होते.
