सत्ताधारी विरोधी व अपक्षात होणार चुरस.
केळापुर तालुका प्रतिनिधी :- सागर मुडे
[ 9822147144 ]
करंजी रोड महाराष्ट्र राज्य निवडणूक आयोगाच्या कार्यक्रमानुसार सार्वत्रिक ग्रामपंचायत निवडणूका येत्या 18 सप्टेंबर रोजी होऊ घातल्या त्यानुसार केळापूर तालुक्यातील 25 ग्रामपंचायत निवडणुकीला 18 सप्टेंबर मतदान होणार आहे केळापूर तालुक्यातील सर्वात मोठी ग्रामपंचायत करंजी रोड असून राजकीय क्षेत्राचे केंद्रबिंदू मानल्या जात आहे.
त्यानुसार होणाऱ्या निवडणुकीमध्ये सत्ताधारी व विरोधी पक्षाच्या वतीने पूर्ण पॅनल लढविण्यात येत आहे.सोबतच सरपंच पदाचे सार्वत्रिक जनतेतून निवडणूक असून यामध्ये चार उमेदवारांचा समावेश असून त्यामध्ये दोन राजकीय गटाचे उमेदवार तर दोन अपक्ष उमेदवार रिंगणात उतरले आहे तसेच सदस्य पदाकरिता एक अपक्ष महिला व दोन्ही राजकीय गटामध्ये 22 उमेदवार सदस्य पदाकरिता निवडणुकीच्या रिंगणात उभे असून या सर्व उमेदवारांचे भविष्य ठरविणारे मतदार अतिशय बारकाईने विचार करून सामाजिक राजकीय उच्चशिक्षित उमेदवारांचा शोध घेत आहे.
अशी चर्चा करंजी येथील मतदार करीत आहे ही निवडणूक दोन्ही राजकीय गटांना अतिशय प्रतिष्ठेची असून प्रतिष्ठापनाला लावण्याचे प्रयत्न सुरू असल्याचे चित्र पहावयास मिळत आहे. प्रत्येक मतदाराच्या घरी जाऊन उमेदवारया सोबत पुढारी सुद्धा पाय धरून मत मागण्याचा जोगवा हाती घेतलेला दिसत आहे. येणाऱ्या 18 सप्टेंबरला कोणत्या उमेदवाराला मतदार निवडतील हे येणारी परिस्थिती ठरवेल सर्वसामान्य मतदार स्वच्छ प्रतिमा निस्वार्थ विकासात्मक धोरण असलेल्या उमेदवाराची चाचपणी मतदाराकडून सुरू असल्याची चर्चा आहे.
उमेदवार भ्रष्टाचारी नसावा हे देखील प्रामुख्याने मतदार उमेदवाराची तपासणी करीत आहे कोणत्याही राजकीय पुढार्यांकडे पाहून उमेदवाराला पुढाऱ्याच्या नावाने मतदान करायचे नाही अशी सर्वत्र चर्चा मतदारात सुरू आहे दोन्ही राजकीय गटांनी निवडणुकीचे दंड थोपटून उमेदवार निवडून आणण्याकरिता दिवस रात्र एक करणे सुरू झाल्याचे चित्र गावांमध्ये पाहायला मिळत आहे.