वणीचे वीर सुपुत्र लेफ्टनंट कर्नल वासुदेव आवारी अनंतात विलीन लष्करी इतमामात अंत्यसंस्कार.

भारत माता की जय आवारी साहेब अमर रहे अमर रहे.

तालुका प्रतिनिधी :- वणी

वणी :- अरूणाचल प्रदेशातील चीनच्या सीमेवर मंगळवार दिनांक 4 ऑक्टोंबर 2022 ला विरगती प्राप्त झालेले वणीचे सुपुत्र लेलेफ्टनंट.कर्नल वासुदेव आवारी यांच्यावर आज शुक्रवार दिनांक 7 ऑक्टोंबर 2022 ला दुपारी 11:30 वाजता त्यांचे मुळगाव मुर्धोनी येथे लष्करी इतमामात अंत्यसंस्कार करण्यात आले.

मुर्धोनी येथील सामुदायिक प्रांगणात झालेल्या अंत्यसंस्काराला आर्मी अधिकारी पोलीस उपविभागीय अधिकारी, तहसीलदार व लोक प्रतिनिधी यांच्यासह वणी सह परिसरातील आणि गावातील नागरीक हजारोच्या संख्येने उपस्थित होते.

भावपूर्ण व शोकाकूल वातावरणात झालेल्या अंत्यसंस्काराच्या वेळी उपस्थित नागरिकांना अश्रु अनावर झाले होते. भारत माता की जय अमर रहे अमर रहे, शहीद वासूदेव आवारी अमर रहे वंदे मातरम अशा जयघोषणी संपूर्ण परीसर दणाणून गेला होता.