वल्हासा येथिल पालकांची गट शिक्षणाधिकारी यांचे कडे तक्रार.
तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी जामणी तालुक्यातील वल्हासा येथील जिल्हा परिषद शाळेत शिक्षक नियमित हजर राहत नाही.त्यामुळे विद्यार्थ्यांचे शैक्षणिक नुकसान होत असल्याची तक्रार पालकांनी गट शिक्षण अधिकारी यांचे कडे केली आहे.
वल्हासा येथील जिल्हा परिषद शाळेत चार वर्ग असून त्यांना शिकवायला एक शिक्षक आणि एका शिक्षिकेची नियुक्ती करण्यात आली आहे.परंतु सध्या एस.के.आडे शिक्षक कार्यरत असून शिक्षिका स्विटी शेंडे या कोरोणा काळापासून रजेवर आहे.सध्या कार्यरत असेलेले शिक्षक हे वणीवरून अपडाउन करत असून शाळेच्या वेळेवर कधीच येत नाही तर वेळेच्या आधीच निघून जातात.याबात गावकऱ्यांनी विचाले असता माझे कडे जास्त कामे आहे.मला मिटिंगला जावे लागतात.त्यामुळे मी वेळवर येवू शकत नाही.
तुम्हाला जी तक्रार करायची आहे ती करा.अशा अवेरावी पध्दती च्या भाषांमध्ये उत्तर देत असल्याचे तक्रारीत म्हटले आहे.या शाळेतील विद्यार्थी कधी भरून न निघणारे शैक्षणिक नुकसान झाले असून शिक्षण प्रवाहात मागे पडला आहे.त्यांना कोणताही प्रश्न विचारला असता निट उत्तर देता येत नाही.
त्यामुळे विद्यार्थ्यांच्या भविष्याचे नुकसान करणाऱ्या शिक्षक व शिक्षिकेवर कारवाही करण्याची मागणी अशोक दुधकोहळे , दिनेश ढुमणे,अजय नेहारे,निलेश कापाळे,दामोधर राऊत, रामदास राऊत,सुहास नेहारे,अरुण दुधकोहळे,अमित ठावरी , सचिन आत्राम,सुरेखा नेहारे,नर्मदा दुधकोहळे,सिंधू राऊत,वर्षा नगराळे,शेवंता झाडे,लिला कपाळे इ.पालकांनी केली आहे .
