कायदेशीर जागृतीद्वारे महिलांचे सक्षमीकरण शिबीर.
तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी जामणी :- भारतरत्न आणी नोबल शांतता पुरस्कार मदर टेरेसा यांचे जन्म दिवसाचे औचित्याने तालुका विधी सेवा समिती झरी जामणी तर्फे पंचायत समिती कार्यालय झरी जामणी चे सभागृहात दि.२६.०८.२२ रोजी कायदेशीर जागृतीद्वारे महिलांचे सक्षमीकरण शिबीराचे आयोजन केले होते. सदर कार्यक्रमाला अध्यक्ष म्हणून दिवाणी न्यायाधीश बी.एस.वाढई प्रमुख पाहुणे म्हणून रविकुमार सांगळे गटविकास अधिकारी पंचायत समिती झरी व संगीता हेलोंडे ठाणेदार पोलीस स्टेशन पाटण तसेच सहाय्यक सरकारी वकील पी.डी.कपुर,बार असोसिएशनचे अध्यक्ष अँड डी.व्ही.काटकर, अँड व्ही.आर.मदीकुंटावार, अँड आर.व्ही.भोयर,अँड आर.एम.बोथले, एकात्मिक विकास अधिकारी सुचिता भगत हजर होते.
कार्यक्रमात अध्यक्ष श्री वाढई साहेब यांनी महीलांच्या तक्रारीचे निराकरण करण्यासाठी राष्ट्रीय महिला आयोग, राज्य व जिल्हा विधी सेवा प्राधीकरणाची भुमिका आणी कार्ये महीलांकरीता संविधानात असलेली तरतुद व भादविचे कलम ३०९ या विषयावर सविस्तर मार्गदर्शन केले. प्रमुख पाहुणे हेलोंडे मँडम महीलांना कायद्याने दिलेले अधिकार तसेच पोलीसांचे कर्तव्ये याबाबत सांगितले अँड काटकर यांनी अश्लीलता,हुंडाबळी,अँसिड हमला,स्रियांचा सन्मानाचा अपमान, अपहरण,बलात्कार आणी लैंगिक अत्याचार, कौंटुबीक हिंसाचार व बाल लैंगिक अत्याचार अधिनियम २०१२ याविषयावर सविस्तर मार्गदर्शन केले.
अँड मदीकुंटावार यांनी कौंटुबीक कायदा,कामगार कायदे,लग्न व घटस्फोट, खावटी,महिला व मालमत्तेचा अधिकार,कामाच्या ठिकाणी लैंगिक छळ कायदा २०१३, कारखाना कायदा, समान मोबादला कायदा १९४८ या विषयावर सविस्तर मार्गदर्शन केले. अँड भोयर यांनी मोफत कायदेशीर सहाय्य व सेवा, महिलांना अटकेबाबत असलेले सरंक्षण व अधिकार,दखलपात्र गुन्हा व अदखलपात्र गुन्हा,अटक वारंट,अटक व्यक्तीला जमानतीचे अधिकार कायदेशीर चर्चा, या विषयावर सविस्तर मार्गदर्शन केले आहे. गटविकास अधिकारी सांगळे यांनी महीलांना असलेले शासकीय योजने बाबत माहिती सांगितली.
कार्यक्रमाला तालुक्यातील अंगणवाडी सेविका,आशा वर्कर,बचत गट महिला व न्यायालयीन कर्मचारी श्री.दातारकर, श्री.मेश्राम, श्री. राळे,श्री जुनघरे,तसेच प्रकाश बेरेवार हजर होते कार्यक्रमाचे संचालन श्री कांबळे तर आभार प्रदर्शन अँड बोथले यांनी केले.
