सात शाळांचा निकाल शंभर टक्के.
संकेत माध्यमिक विद्यालय वाढोना बंदी चा निकाल सर्वात कमी.
तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी जामणी राज्य शिक्षण मंडळाचा दहावी बोर्डाच्या परीक्षेचा ऑनलाइन निकाल आज दुपारी एक वाजता जाहीर करण्यात आला आहे.परिक्षेसाठी ८७७ विद्यार्थ्यांनी परिक्षा फार्म भरला होता त्यापैकी ८५८ विद्यार्थी परीक्षेला बसले असून त्यापैकी ७६९ विद्यार्थी उत्तीर्ण झाले आहे.
गुणवत्ता यादीत १३५ ,प्रथम श्रेणी ३०५, व्दितिय श्रेणी २६३ आणि तृतिय श्रेणीत ६६ उत्तीर्ण झाले आहे.राजिव माध्यमिक विद्यालय धानोरा ३२ पैकी ३२ विद्यार्थी पास झाले,तर जिल्हा परिषद विद्यालय पाटण ३/३ ,राजाराम विद्यालय आहेरअल्ली ४१/४१ ,शासकीय पोस्ट बेसिक आश्रम शाळा मार्थाजून १८/१८,शासकीय माध्यमिक आश्रमशाळा झरी जामणी ७/७, आर्या इंटरनॅशनल स्कुल मुकुटबन २१/२१,गुरुकूल कॉन्व्हेन्ट मुकूटबन ३६/३६ या सर्व च्या सर्वशाळेचे विद्यार्थी उर्तीण झाल्याने निकालाची टक्केवारी शंभर टक्के आहे.
तर सर्वात कमी निकाल संकेत माध्यमिक विद्यालय वाढोणा (बंदी ) या शाळेचा निकाल ७०% असून तालुक्यातील इतर शाळांच्या तुलनेत सर्वात कमी आहे .गुरुकुल कॉन्व्हेन्ट मुकूटबन चे २६ तर आर्या इंटरनॅशनल स्कूल मुकूटबन २१ विद्यार्थी गुणवत्ता यादीत झळकली आहे .सर्वात जास्त गुणवत्ता यादीत उत्तीर्ण होण्याची परंपरा याही वर्षी कायम ठेवली आहे.
गेल्या दोन-तीन सत्रात कोरोनामुळे ऑनलाइन परीक्षा घेण्यात आल्या होत्या सर्वच्या सर्व विद्यार्थ्यांना पास करण्यात आले.त्यामुळे सर्वच शाळांची निकालाची शंभर टक्के टक्केवारी दिसून आली.त्याचा विचार करतो यावर्षीच्या मार्काला लागली खूप काही महत्व आहे.पहिल्याच पेपरच्या दिवशी तालुक्यातील पेपर फुटीचे प्रकरण चांगलेच राज्यभर गाजले होते.त्यामुळे सर्वच केंद्रावर कडक बंदोबस्त ठेवून कापी मुक्त परीक्षा घेण्यात आली होती .