▪️जिल्हा शिक्षण व प्रशिक्षण संस्था,यवतमाळ ने केली निवड.
▪️न्यू ट्रेंड्स इन इंग्लिश टिचिंग, लर्निंग अँड इव्यालुशन या विषयावर करणार सादरीकरण.
तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी जामनी: तालुक्यातील शिक्षण क्षेत्रात नामांकित व दहावी बोर्डाच्या तसेच इतर स्पर्धात्मक परीक्षेत नेहमी अग्रेसर असणारी शाळा म्हणजे गुरुकुल कॉन्व्हेंट,शाळा अशी शाळेची परिसरात ख्याती आहे.याच शाळेच्या गौरवशाली प्रगतीत आणखी एक मानाचा तुरा रोवला गेला आहे. गुरुकुल शाळेचे इंग्रजी शिक्षक आशिष अशोक साबरे यांची राज्यस्तरीय इंग्रजी भाषेच्या परिसंवाद कार्यशाळेसाठी निवड झाली आहे.
जिल्हा शिक्षण व प्रशिक्षण संस्था,यवतमाळ ने ही निवड जाहीर केली आहे.आशिष साबरे सर चेस मॉडरेटर म्हणून गेल्या 5 वर्षापासून झरी तालुक्यातील माध्यमिक शाळेच्या इंग्रजी शिक्षकांना प्रशिक्षण देत आहे.इंग्रजी भाषा अधिक सुलभ करून विद्यार्थ्यांना ती ज्ञात कशी होईल तसेच विद्यार्थ्यांचा इंग्रजी भाषेचा विकास आणि इंग्रजी भाषा संभाषण कौशल्य विकसित करणे यासाठी सरांनी तालुक्यातील माध्यमिक इंग्रजी शिक्षकांना प्रशिक्षण देण्याचे काम करीत आहे.
येत्या 20 जानेवारी 2023 ला मंगळवेढा जि सोलापूर येथे न्यू ट्रेंड्स इन इंग्लिश टिचिंग, लर्निंग अँड इव्यालुशन या विषयावर आशिष सर सादरीकरण करणार आहे.सरांच्या निवडीमुळे शाळेच्या व्यवस्थापन समितीने तसेच मुख्याध्यापक सुभाष गजभिये सर यांनी आशिष साबरे यांचे अभिनंदन केले आहे.
