मारेगाव येथील ठाणेदारांना दिले निवेदन.
मारेगांव तालुका प्रतिनिधी:- सुरेश पाचभाई
[9922862184]
कळंब तालुक्यातील एका पत्रकारावर तेथीलच नगराध्यक्ष असलेल्या एका व्यक्तीच्या मुलाने जीवे मारण्याची धमकी देत थेट दुचाकीच त्यांच्या अंगावर चढवली.या घटनेचा निषेध म्हणून मारेगाव तालुका पत्रकार संघातर्फे मारेगाव येथील ठाणेदार यांना निवेदन देत निषेध नोंदवला.
पत्रकारिता देशाच्या लोकशाहीचा चौथा स्तंभ म्हणून ओळखला जातो.परंतु आता एखादी बातमी वृत्तपत्रातून प्रकाशित झाली आणि ती जर कोणाच्या विरोधात असेल तर अनेकांच्या पोटामध्ये पोटशूळ उठते.असेच निर्भीडपने वृत्तांकन करणारे कळंब तालुक्यातील दैनिक देशोन्नती प्रतिनिधी शेषराव मोरे यांनी कळंब येथील एक वृत्त प्रकाशित केले.
यावरून तेथील नगराध्यक्ष असलेल्याच्या मुलाने या पत्रकाराच्या अंगावर थेट दुचाकी चढवत जीवे मारण्याची धमकी दिली. हे लोकशाहीला मारक असून या घटनेचा पुरोगामी पत्रकार संघ मारेगाव तर्फे मारेगाव येथील ठाणेदार राजेश पुरी यांना निवेदन देत निषेध नोंदवला.
यावेळी पुरोगामी पत्रकार संघाचे जिल्हा प्रभारी भास्करराव धानफुले, कार्याध्यक्ष मोरेश्वर ठाकरे,तालुका अध्यक्ष सुमित हेपट,सचिव माणिक कांबळे,तालुका उपअध्यक्ष भास्कर राऊत, कोषाअध्यक्ष सुरेश पाचभाई,सुरेश नाखले,भैय्या कनाके, सुमित गेडाम,धनराज खंडरे,आनंद नक्षणे,गजानन आसूटकर, गजानन देवाळकर उपस्थित होते.