सुरेश पाचभाई मारेगाव,
मारेगाव:- शेतकऱ्यांच्या विविध मागण्यांना घेऊन शिवसेना उद्धव बाळासाहेब ठाकरे गटातर्फे मारेगाव येथे दिनांक 6 नोव्हेंबरला रास्ता रोको आंदोलन करण्यात येणार आहे.तशा प्रकारचे निवेदन त्यांनी मारेगाव तहसीलदार यांना आज दिले.
शेतकऱ्यांच्या विविध मागण्यांना घेऊन शिवसेना उद्धव बाळासाहेब ठाकरे गटातर्फे तहसीलदार यांना दिलेल्या निवेदनात खालील मागण्या करण्यात आल्या.यात कापसाला प्रतिक्विंटल दहा हजार रुपये हमीभाव देण्यात यावा, सोयाबीनला प्रतिक्विंटल सात हजार रुपये हमीभाव जाहीर करावा,नादुरुस्त,बिघाड व वारंवार वीज खंडित करणारे रोहित्र ताबडतोब दुरुस्त करून देण्यात यावे,शेतकऱ्यांच्या शेत पंपाला दिवसा आठ तास वीज पुरवठा करण्यात यावा,
अतिवृष्टी अनुदान तात्काळ देण्यात यावे,निराधारांना तात्काळ मानधन देण्यात यावे,केंद्र शासनाने केलेला आयात करार रद्द करावा, पीक विम्याची अग्रीम रक्कम २५ टक्के दिवाळीपूर्वी देण्यात यावी या आणि इतर मागण्यांसाठी दि.6 नोव्हेंबरला सोमवारी मारेगाव येथे शिवसेना उद्धव बाळासाहेब ठाकरे गटातर्फे चक्काजाम आंदोलन करण्यात येणार आहे.तशा प्रकारचे निवेदन शिवसेना मारेगाव तालुका अध्यक्ष संजय आवारी यांचे नेतृत्वात देण्यात आले.
यावेळी नगराध्यक्ष मनीष मस्की,युवासेना तालुका अध्यक्ष मयूर ठाकरे,शहराध्यक्ष गणेश आसुटकर, मारेगाव कृषी उत्पन्न बाजार समितीचे उपसभापती जीवन काळे, किसन मत्ते,रामकृष्ण खंडी,अमोल झोटिंग,मनोज वादाफळे, दिगंबर नावडे,शुभम लालसरे,गुरुदास घोटेकर,ब्रह्मदेव जुनगरी,चंद्रशेखर थेरे,दुमदेव बेलेकर,अभय चौधरी, राजू मोरेगोविंदा निखाडे यांच्यासह अनेक कार्यकर्ते उपस्थित होते.
