मांगरूळ येथील घटना.
गजानन आसुटकर मारेगाव:-तालुक्यातील मांगरूळ येथील सुमारे 32 वर्षीय तरुण शेतकऱ्याची गावातीलच एका व्यक्तीच्या शेतातील विहिरीत उडी घेऊन आपली जीवनयात्रा संपविल्याची घटना आज दिनांक 19 मार्च 2023 रोज रविवारला सकाळच्या सुमारास उघडकीस आली.
A young farmer committed suicide by jumping into a well.
सततच्या होणाऱ्या नापिकी आणि कर्जबाजारीपणात जीवन जगणाऱ्या शेतकऱ्याने वैतागून गावाजवळील विहिरीत उडी घेऊन जीवनयात्रा संपविल्याचा माहिती आहे हि.घटना आज मांगरूळ येथे घडली असुन प्रफुल मोरेश्वर खडसे वय सुमारे 32 वर्ष असे विहिरीत उडी घेऊन आत्महत्या केलेल्या शेतकऱ्याचे नाव असुन प्रफुल आणि त्याचे भाऊ यांची सामाईक शेती सुमारे 13 ते 14 एकर मांगरूळ येथे आहे.
हे सर्व भाऊ शेती करून आपला कुटुंबाचा उदरनिर्वाह करायचे.मागील वर्षीच प्रफुलचे लग्नसुद्धा आटोपले होते.सुखाने संसाराचा गाडा हाकत असतांना मागील काही वर्षांपासून सुरु असलेला दुष्काळ आणि यावर्षी नापिकीने मोडलेले शेतकऱ्यांचे कंबरडे त्यामुळे खडसे कुटुंबीय पुरत मेटाकुटीला आलेले होते.अशातच आज पहाटे सुमारे 5 वाजताच्या दरम्यान प्रफुल हा नेहमीप्रमाणे सोचासाठी गेला आणि परत आलाच नाही.
त्याने गावाजवळ असलेल्या एका शेतकऱ्याच्या शेतातील विहीरी मध्ये उडी घेऊन आत्महत्या केल्याची माहिती कुटुंबीयांना मिळताच घटना उगडकीस आली.मागील काही दिवसांमध्ये आत्महत्या ह्या काही प्रमाणात थांबलेल्या होत्या.परंतु आजच्या घटनेने पुन्हा आत्महत्येनी डोके वर काढल्याचे दिसून येत आहे.
मृतक प्रफुल्ल यांच्या पश्चात आई-वडील,पती, दोन भाऊ असा आप्तपरीवार आहे.प्रफुल याच्या आत्महत्येचे कारण अस्पष्ट आहे.या प्रकरणाचा पुढील तपास ठाणेदार राजेश पुरी यांच्या मार्गर्शनाखाली जामदार भालचंद्र मांडवकर करत आहे.
