सुरेश पाचभाई, मारेगाव,
मारेगाव तालुका भारतीय राष्ट्रीय काँग्रेस पक्षाच्या तालुका अध्यक्षपदी मारोती गौरकार यांची दुसर्यांदा फेरनिवड करण्यात आली आहे. काॅग्रेस प्रदेश अध्यक्ष नाना पटोले यांनी विद्यमान अध्यक्ष मारोती गौरकार यांच्या कार्याची दखल घेऊन त्यांना परत एकदा काॅग्रेसचे मारेगाव तालुकाध्यक्षपद बहाल केले आहे.
लोकसभा निवडणुकीच्या पार्श्वभूमीवर काॅग्रेसची व्होटबँक मजबूत करून पक्ष संघटनवाढ करण्याचे मोठे आव्हान तालुका अध्यक्ष गौरकार यांच्यासमोर असणार आहे.मारोती गौरकार यांच्या पहिल्या कारकिर्दीत अनेक सामाजिक उपक्रम तालुक्यात राबविण्यात आले होते.तसेच काँग्रेस पक्षातर्फे वेगवेगळे कार्यक्रम घेऊन पक्षवाढीसाठी मोठया प्रमाणात प्रयत्न करण्यात आले.
मारोती गौरकार यांच्या निवडीने तालुक्यातील काॅग्रेस कार्यकर्ते व पदाधिकार्यांमध्ये उत्साहाचे वातावरण निर्माण झाले असून या निवडीचे श्रेय माजी आमदार वामनराव कासावर, जिल्हा अध्यक्ष प्रफुल्ल मानकर, काॅग्रेस नेते नरेंद्र पाटील ठाकरे, कृषी उत्पन्न बाजार समितीचे सभापती गौरीशंकर खुराणा, माजी बालकल्याण सभापती अरुणा खंडाळकर यांना ते देत आहे.
दुसऱ्यांदा फेरनिवड झाल्याने त्यांनी पक्षाचे आभार मानले असून तालुका काँग्रेसमय करण्याचा प्रयत्न करू.तसेच येणाऱ्या लोकसभा, विधानसभा, जिल्हा परिषद तसेच पंचायत समिती निवडणुकीमध्ये पक्षाचा झेंडा तालुक्यात रोवू असा विश्वास व्यक्त केला.