ज्ञानेश्वर आवारी झरी (जामणी) मुकुटबन मांगली मार्गावर तीन वाजताच्या सुमारास मांगली नजीक ट्रॅक्टर पलटी झाल्याची घटना घडली.
सविस्तर वृत्त असे की.
मुकुटबन वरून मातीने भरलेला ट्रॅक्टर मांगली कडे निघाला होता.मांगलीच्या अलिकडचे वळण पार केल्यानंतर भरधाव वेगात असलेल्या ट्रॅक्टर वरील चालकाचे नियंत्रण सुटल्याने ट्रॅक्टर डावीकडे मार्गाच्या खाली उतरले आणि पलटी झाले.यात दुर्गेश दडांचे वय सुमारे 22 रा.खापरी या युवकाचा ट्रॅक्टरच्या ट्राली खाली दबून दुर्दैवी मृत्यू झाला.
असून अभिषेक लाकडे वय 23 रा मुकुटबन आणि चेतन लाकडे वय 21 रा मुकुटबन हे दोघेही गंभीर जखमी झाले असून जखमीना खाजगी वाहनाने मुकुटबन येथे रुग्णालयात प्रथमतःदाखल केले व पुढील उपचारार्थ वणी आणि नंतर यवतमाळला रेफर करण्यात आले आहे.घटनेची माहिती मिळताच मुकुटबन पोलिसांनी घटनस्थळी भेट देऊन पंचनामा केला आहे.
मृतकांच्या नातेवाईकांकडून ट्रॅक्टर मालकाकडून मृतकाच्या आई वडिलांना नुकसानभरपाई मिळाली पाहिजे अशी मागणी केली होती.या विषयी जोपर्यंत ठोस आश्वासन मिळणार नाही तोपर्यंत मृतकाचे शवविच्छेदन करू देणार नाही असा आक्रमक पवित्रा घेतला होता.या संदर्भात बराच वेळ घटनास्थळी तणावाचे वातावरण होते. अधिक तपास मुकुटबन पोलीस करीत आहे.