ढोल ताशांच्या गजरात भव्य रॅली काडण्यात आली.
गजानन आसुटकर मारेगांव:-तालुक्यातील बुरांडा (ख) येथे विश्वरत्न महामानव डॉ.बाबासाहेब आंबेडकर यांची जयंती मोठ्या उत्साहात संपन्न झाली.
भारतरत्न डॉ.बाबासाहेब आंबेडकर यांच्या 132 व्या जयंतीनिमित्त भीमशक्ती व शिवशक्ती समितीचे वतीने बुरांडा (ख) यांचे तर्फे कार्यक्रमाचे आयोजन करण्यात आले होते.काल दिनांक 14 एप्रिल 2023 रोज शुक्रवारला डॉ.बाबासाहेबांच्या प्रतिमेला अभिवादन करण्यासाठी मोठ्या संख्येने नागरिकांची उपस्थिती होती.अनेकांनी भारतरत्न डॉ.बाबासाहेब आंबेडकर यांच्या प्रतिमे समोर मेणबत्ती अगरबत्ती प्रज्वलित करीत पुष्पहार अर्पण करून अभिवादन केले.
यावेळी गावात निळ्या ध्वजाचे ध्वजारोहण गुणवंत खैरे यांनी केले.असंख्य नागरीकांच्या उपस्थितीत बुद्धवंदना घेण्यात आली.या वेळी अनुष्का देठे,पायल अवथरे,सुहानी खैरे यांनी बाबासाहेबाच्या जीवन आणि तत्त्वज्ञानावर प्रकाश टाकला.डॉ.बाबासाहेबांच्या जयंतीचे औचित्य साधुन गावातुन सायंकाळी 6:30 वाजता ढोल ताशांच्या गजरात भव्य रॅली कडण्यात आली.व गावाच्या मुख्य मार्गाने डॉ.बाबासाहेबांचा जयघोष करण्यात आला.भीमशक्ती व शिवशक्ती समितीने कार्यक्रमाच्या यशस्वीतेसाठी अथक परिश्रम घेतले.
