गेल्या अनेक दिवसांपासून खापरी गावातली स्ट्रीट राईट बंद
ग्रामपंचायतचे दुर्लक्ष
सुरेश पाचभाई मारेगाव,
मारेगाव तालुक्यातील खापरी हे गाव सगनापूर गट ग्रामपंचायत अंतर्गत येते.येथील वार्ड नंबर 1 मध्ये मागील तीन महिन्यापासून गावातील स्ट्रीट लाईट पूर्णपणे बंद आहे.गावातील नागरिकांनी अनेकवेळा ग्रामपंचायतला माहिती देऊनही स्ट्रीट लाईट आजपर्यंत लावण्यात आले नाही ही शोकांकित आहे.
खापरी हे गाव नवरगाव मध्यम प्रकल्पाच्या अगदी जवळ असल्याने आणि नवरगाव मध्यम प्रकल्पाची पातळी फुल झाल्याने तलावा मधील साप व इतर हिंस्त्र प्राणी गावामध्ये घुसतात.यामध्ये एखादी दुर्घटना होण्याची शक्यता नाकारता येत नाही या गोष्टीकडे ग्रामपंचायतीने जातीने लक्ष देण्याची गरज आहे.
ग्रामपंचायत प्रशासनाला या सर्व गोष्टींची माहिती असूनही प्रशासन याकडे जाणीवपूर्वक दुर्लक्ष करीत असल्याचा नागरिकांचा आरोप आहे. एखाद्या व्यक्तीचा जीव गेल्यावरच प्रशासनाला जाग येईल का असा प्रश्न नागरिक विचारत आहे.
