अखेर त्या अपघातातील व्यक्तीची मृत्यूशी झुंज अपयशी.

नागपुर येथील दवाखान्यात होते उपचार सुरू.

मारेगांव तालुका प्रतिनिधी:- गजानन आसुटकर.

मारेगाव ते वणी राज्य महामार्गावर मारेगाव जवळील इंडियन पेट्रोल पंप जवळ अज्ञात वाहनाच्या धडकेत दुचाकीस्वार गंभीर जखमी झाल्याची घटना दिनांक 10 एप्रिल 2023 रोज सोमवारला सायंकाळी 7 वाजताच्या सुमारास घडली होती. सुमारे चार दिवस मृत्युशी झुंज दिल्यानंतर अखेर आज दिनांक 15 एप्रिल 2023 रोज शनिवारला नागपुर येथील एका रूग्णालयात उपचारादरम्यान मृत्यू झाला.

बाबाराव रघुनाथ सुर रा.वणी वय सुमारे 49 वर्ष असे त्या अपघातातील उपचारादरम्यान मृत्यू झालेल्या व्यक्तीचे नाव आहे.ते आधी कोलगांव ता.मारेगांव जि.यवतमाळ येथील रहिवासी होते.सध्या ते वणी येथील रहिवासी होते.दिनांक 10 एप्रिल 2023 रोज सोमवारला ते दुचाकीने काही कामानिमित्त मारेगांव येथे आले होते.मारेगांव येथील काम आटोपून आपल्या गावाकडे वणी येथे जात असताना मारेगांव ते वणी राज्य महामार्गावर इंडियन पेट्रोल पंप जवळ अज्ञात वाहनाने बाबाराव सूर यांना जबर धडक दिली व पसार झाला.

अपघात होताच रस्त्यांनी ये-जा करणाऱ्या नागरिकांनी व स्थानिकांनी लगेच मारेगांव पोलिसांना घटनेची माहिती दिली.व त्यांना लगेच मारेगांव येथेल ग्रामीण रुग्णालयात उपचारासाठी दाखल केले. प्रकृती गंभीर असल्याने डॉक्टरांनी प्राथमिक उपचार करून पुढील उपचारासाठी रेफर केले होते.सूर यांच्यावर नागपूर येथे उपचार सुरु असतांना आज त्यांची प्राणज्योत मालवली.बाबाराव यांच्या पश्चात आई,पत्नी,एक मुलगा,एक मुलगी असा आप्त परिवार आहे.या प्रकरणाचा पुढील तपास मारेगाव पोलीस करत आहे.