अटीतटीच्या लढतीत महाविकास आघाडीची बाजी.
गजानन आसुटकर मारेगाव:-कृषी उत्पन्न बाजार समितीच्या अटीतटीच्या झालेल्या निवडणुकीत महाविकास आघाडीने बाजी मारत पुन्हा एकदा आपले वर्चस्व सिद्ध केलेले आहे.काट्याच्या झालेल्या या लढतीत या पॅनलने 18 पैकी 17 जागा जिंकत आम्हीच सहकार क्षेत्रात अजूनही वरचढ आहो हे दाखवून दिले आहे.भाजप आघाडीला फक्त एकाच जागेवर समाधान मानावे लागले.
मतदानाच्या शेवटच्या टप्प्यापर्यंत अत्यंत चूरशीच्या वाटणाऱ्या या निवडणुकीत हमाल मापारी मतदार संघात महाविकास आघाडीचे भास्कर नारायण धांडे 4 मतदान घेऊन निवडून आले.तर व्यापारी अडते मतदार संघातून महाविकास आघाडीचे देविदास संभाजी बोबडे आणि महादेव सखाराम साळवे हे दोघेही 12 -12 मतदान मिळवीत विजयी झाले.
सहकार क्षेत्रामध्ये मातब्बर असलेल्या काँग्रेसने शिवसेनेच्या उद्धव ठाकरे गटासोबत आघाडी केली होती.
सहकारी संस्था गटामध्ये काँग्रेस आघाडीने पूर्ण जागा जिंकत वर्चस्व सिद्ध केले.यात सर्वसाधारणमध्ये वसंत श्रीरंग आसूटकर,160,जीवन विठ्ठल काळे,154,यादव उरकुडा काळे,155, काशिनाथ शामराव खडसे,153,गौरीशंकर ओमप्रकाश खुराणा, 153,ब्रम्हदेव मारोती जुनगरी,145,गणू देवाजी थेरे,130 मतदान मिळाले.
सहकारी संस्था महिला गटातून अरुणा अरुण खंडाळकर,185,सुनीता तुळशीराम मस्की,157,सहकारी संस्था अनुसूचित जमाती मतदार संघातून संतोष भिमाजी मडावी,164,इतर मागासवर्गीय मतदार संघातून रमण शाम डोये,148, ग्रामपंचायत मतदार संघातून आर्थिक दृष्टया दुर्बल घटक मतदार संघातून अविनाश देविदास लांबट 199, विजय अवताडे 199, प्रफुल विखनकर 195 मतदान मिळवून विजयी झाले तर विशवनाथ पोतू आत्राम हे बिनविरोध निवडून आले.
