मार्डी ते खैरगाव रस्त्यावरील घटना.
मारेगांव तालुका प्रतिनिधी:- सुरेश पाचभाई
[9922862184
मारेगाव तालुक्यातील मार्डी- खैरगाव रस्त्यावर भरधाव वेगाने जाणाऱ्या दुचाकीची उभ्या ट्रकला जबर धडक दिल्याने दुचाकीस्वार चालक हा जागीच ठार झाल्याची घटना दिनांक 3 सप्टेंबर 2022 रोज शनिवारला रात्री 10 वाजताच्या सुमारास ही घटना घडली.
संजय पांडुरंग धारणे वय सुमारे 48 वर्षे असे अपघातात जागीच ठार झालेल्या इसमाचे नाव असुन ते चिंचमंडळ कडून मोटर सायकल क्रमांक MH.40 D.6382 ह्या दुचाकीने किन्हाळा (मार्डी) येथे मूळ गावी येत असतांना मार्डी-खैरगाव रस्त्यालगत उभ्या असलेल्या ट्रक ला जबर धडक दिली.
यात त्यांच्या डोक्याला गंभीर इजा पोहचल्याने संजय यांचा जागीच मृत्यू झाला असुन मृतकाच्या पश्चात आई,पत्नी,एक मुलगा,दोन मुली असा आप्तपरीवार आहे. या घटनेची माहिती मारेगाव पोलीसांना मिळताच पोलिस घटनास्थळी दाखल झाले.
पंचनामा करून मृतदेह उत्तरीय तपासणीसाठी ग्रामीण रुग्णालय मारेगाव येथे पाठविण्यात आला असुन पुढील तपास मारेगाव येथील ठाणेदार राजेश पुरी यांच्या मार्गदर्शनात पोलीस जमादार सुरेंद्र टोंगे व विनेश राठोड करीत आहेत.
