मारेगाव तालुक्यातील देवाळा येथील घटना
मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यातील देवाळा शेत शिवारात बेंबळा प्रकल्पाच्या कॅनल जवळ एका सुमारे 75 वर्षीय वृद्ध इसमाचा मृतदेह आज दिनांक17 मे 2022 रोज मंगळवारला सकाळी 6 वाजताच्या सुमारास आढल्याने गावामध्ये एकच खळबळ उडाली आहे.75 वर्षीय वृद्ध इसमाच्या मृत्यूने वेगवेगळ्या तर्का वितर्ककाला परिसरात उधाण आले आहे.
सविस्तर वृत्त असे की.
रामचंद्र लटारी निखाडे असे मृतदेह आढळलेल्या वृद्ध इस्माचे नाव असुन मृतकाचा मुलगा अंकुश निखाडे यांनी गावातील लोकांच्या मदतीने गावशिवारावर व नातेवाईकाकडे सर्वत्र वडीलाबाबत शोधाशोध घेतला पण काही शोध लागत नसल्याने दिनांक 16 मे 2022 रोज सोमवारला वडील बेपत्ता असल्याची मारेगाव पोलिसात ठाण्यात तक्रार दाखल केली होती.
दिनांक 15 मे 2022 रोजी बकऱ्या चारण्यासाठी गेले होते पण घरी परत आले नसल्याने दोन दिवसांपासून बेपत्ता असलेल्या 75 वर्षीय वृद्धाचा मृत्यू नेमका कशाने झाला याचे कारण बातमी लिहे पर्यंत कडु शकले नाही. या घटनेची माहिती मारेगाव पोलीसांना मिळताच पोलिस घटनास्थळी दाखल होवून घटनेचा पंचनामा करून मृतदेह उत्तरीय तपासणी साठी ग्रामीण रुग्णालय मारेगाव येथे पाठविण्यात आला आहे. मृतदेदाची उत्तरीय तपासणी नंतर मृत्यूचे नेमके कारण स्पष्ट होईल.
