अवैध दारु विक्री विरोधात बोटोणी येथील महिलांनी दिले ठाणेदार यांना निवेदन.
काही वेळातच महिलांनी पकडी अवैध देशी दारु.
गजानन आसुटकर मारेगाव.
बोटोणी येथे अनेक दिवसांपासून अवैध दारू विक्रेत्यांनी मोठ्या प्रमाणात धुमाकुळ घातला होता.दारुमुळे अनेकचे संसार उध्वस्त होताना दिसुन येत होते.तरीही या दारूच्या आहारी परिसरातील नागरिक मोठया प्रमाणात गेले होते.घरी वाढलेले भांडण तंटे पाहून अखेर महिलांनी आज दिनांक 25 मे 2023 रोज गुरुवारला अवैध दारू विक्री विरोधात ठाणेदार,पोलीस स्टेशन मारेगाव यांना निवेदन देत अवैध दारू विक्रेत्यांवर कारवाई करण्याची मागणी केली.
तालुक्यात बोटोणी परिसर हा आदिवासी भाग म्हणून ओळखला जातो.परिसरात अवैध दारू विक्री जोमाने सुरू असून अवैध दारू विक्रीमुळे गावातील वातावरण दूषित होत असल्याचे चित्र परिसरात दिसून येत आहे.अवैध दारू विक्री बंद करण्यासाठी बोटोणी येथील महिलांनी मारेगाव येथील ठाणेदार यांना निवेदन दिले आहे.
बोटोणी येथे अवैध दारू विक्रेत्यांनी धुमाकुळ माजविला असून येथील काही नागरिकांची अवैध दारू विक्री करीत असल्याची रीतसर तक्रार निवेदनातुन करण्यात आली आहे.आज दिनांक 25 मे 2023 रोज गुरुवारला तालुक्यातील बोटोणी येथील महिलांनी एकत्र येत अवैध दारू विक्री विरोधात ठाणेदार यांना निवेदन देत त्यांचेवर कारवाई करण्याची मागणी केली.
यावेळी माजी प.स.सदस्या सुनीता शंकर लालसरे,सुनीता विनायक जुमनाके सरपंच,सविता सतीश मत्ते,वैशाली गानफाडे,वेनुबाई तुरांनकर,किरण तुरानकर,सरीता मत्ते,वनिता हनुमान सिडाम,सुरेखा मिंदेवार,रंजना दोडेवार,लीलाबाई किनाके,लक्ष्मीबाई झिंगरे यांचे सह बोटोणी येथील अनेक महिला उपस्थित होत्या.
परत येताच महिलांनी पकडली दारू.
बोटोणी येथील महिला निवेदन देऊन परत येताच त्यांना गावामध्ये दारू विक्री सुरु असल्याचे कळताच त्या सरळ सुरेश पायलवार याच्या घरी धडकल्या असता त्यांना पायलवार याचे घरी देशी दारूचे पव्वे आढळून आले.महिलांनी हे पव्वे पकडून पोलिसाच्या स्वाधीन केले.परीसरात बोटोणी येथील महिला कौतुकास पात्र ठरत आहे.
प्रतिक्रिया..
या आधी पण अवैध दारू विक्रेत्यावर कारवाई करण्यात आली आहे.बोटोणी येथील निवेदन प्राप्त होताच लगेच पोलीस पथक रवाना करण्यात आले आहे. ठाणेदार राजेश पुरी पोलीस स्टेशन मारेगाव.
