मारेगांव तालुक्यातील गोंडबुरांडा येथील घटना.
गजानन आसुटकर मारेगाव,
मारेगाव तालुक्यात आत्महत्येची सत्र सूरूच असताना आज दिनांक 20 मे 2023 रोज शनिवारला सायंकाळी 6:30 वाजताच्या सुमारास गोंडबुरांडा येथील येथील एका 21वर्षीय नवविवाहितेची स्वतःचा राहत्या घरी दोराच्या सहाय्याने गळफास घेऊन आत्महत्या केल्याची घटना उघडकिस आली. नवविवाहितेच्या आत्महत्येने गावावर शोककळा पसरलेली आहे.
मारेगांव तालुक्यातील गोंडबुरांडा येथील सौ.रीना सुनील मुसळे हिचा प्रेमाविवाह सन 2022 मध्ये सुनील मुसळे वय 30 वर्षे याचेशी झाला होता.तो आपल्या आईवडिलांसह गोंडबुरांडा या गावी राहत होता.रीना आणि सुनील यांचा संसार सुखाने चालला असतांना आज सायंकाळी रिनाने अचानक राहत्या घरी छताला नायलॉन दोरीने गळफास घेत आपली जीवनयात्रा संपविली.
कुटुंबीय सायंकाळी शेतातून घरी परत आले असता त्यांना रीना गळफास घेतलेल्या अवस्थेत आढळून आली.या घटनेची माहिती मारेगाव पोलिसांना देताच पोलीस तात्काळ घटनास्थळी दाखल झाले.त्यांनी पंचनामा करून मृतदेह उत्तरीय तपासणी करिता ग्रामीण रुग्णालय मारेगाव येथे पाठविला असुन या प्रकरणाचा पुढील तपास मारेगांव पोलीस करीत आहे.
