शिवसेना शिंदे पक्षातून शहरातील दोघांना केले मुक्त

मारेगाव तालुका प्रतिनिधी प्रमोद रामाजी मेश्राम

मारेगाव : शिवसेना पक्षाच्या ध्येय-धोरणांच्या विरोधात कार्य केल्याच्या कारणावरून मारेगाव शहरातील शिवसेनेच्या दोन पदाधिकाऱ्यांना पक्षातून मुक्त करण्यात आली आहे. युवा सेना पदावर कार्यरत असलेले मारेगाव शहर संघटक योगेश विठ्ठल नागोसे तसेच सोशल मीडिया शहराध्यक्ष तन्मय गोपाल सरोदे यांनी पक्षविरोधी कारवाया केल्याचे निदर्शनास आल्याने त्यांना पक्षातून निष्कसित करण्यात आले आहे.

ही कारवाई मारेगाव तालुका अध्यक्षांनी शुक्रवार, दि. 12 डिसेंबर 2025 रोजी केली. तसेच संबंधित दोघांनाही यापुढे शिवसेना पक्षाचे नाव, चिन्ह किंवा कोणत्याही प्रकारचा पक्षीय वापर करण्यास मनाई करण्यात आली असून पक्षाकडून त्यांना तंबी देण्यात आली आहे.

दरम्यान, यात रिक्त झालेल्या पदांचा तात्पुरता प्रभार मारेगाव शहर संघटक म्हणून शुभम ठावरी तर सोशल मीडिया शहराध्यक्ष म्हणून असीम सलीम शेख यांच्याकडे सोपविण्यात आला आहे. लवकरच या दोन्ही पदांवर वरिष्ठ पातळीवरून अधिकृत नियुक्तीपत्र दिले जाणार असल्याची माहिती मारेगाव तालुका प्रमुख विशाल मनोहर किन्हेकार यांनी दिली.