तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी जामणी :- तालुक्यातील पाटणबोरी जवळील मांडवी गावाला लागून असलेल्या जुनोनी शिवारात काल दुपारी साडेतीनच्या वाजताच्या सुमारास वीज पडून १८ बकऱ्या, ६ मेंढ्या व १ कुत्रा जागीच ठार झाल्याची घटना घडली आहे.शनिवार ला दुपारी अचानक काळेभोर ढगानी आभाळ व पावसाला सुरुवात होताच अचानक विजा कडाडल्या दरम्यान पावसा पासून बचावा साठी झाडाखाली असलेल्या शेळ्यां व मेंढया च्या कळपावर वीज पडल्याने सुमारे १८ शेळ्या ६ मेंढ्या १ कुत्रा दगावल्याची माहिती मिळाली आहे.
दुपारी आभाळ भरून आल्याने शेळी चारणारे गुराखी बंडू कुमरे व हनुमंत चुक्कबाेटलावार हे दोघे बकऱ्यांना झाडाखाली घेऊन जाऊन बाजूला थांबले अचानक झाडावर वीज पडली सुदैवाने कोणतीही मणुष्य हानी झाली नाही.बंडू कुमरे याचे कडे चराई करिता ५७ बकऱ्या असल्याची माहिती प्राप्त झाली आहे .तर हनुमंत चुकाबूतलावार यांचे कडे १५ शेळी व ४५ मेंढी एकूण ६० नग चराई करिता होते.सदर शेळ्या उस्मान खान पठाण, हनुमंत चुक्कबाेटलावार, गजानन गोंड्रावार तथा मांडवी येथील शेतकऱ्यांच्या असल्याची माहिती असून त्यात शेळी व मेंढी पालकांचे मोठे आर्थिक नुकसान झाले आहे .
