आमदार संजिवरेड्डी बोदकुरवार यांचे नेतृत्वात तहसिलदार यांना निवेदन.
कानडा, शिवणी, मुक्टा, वनोजा परिसराला बसतात हादरे.
सुरेश पाचभाई मारेगांव,
मारेगाव तालुक्यातील एकोना खदाणीला लागून असलेल्या वर्धा नदी काठाजवळील अनेक गावांना एकोना खदानीमध्ये होत असलेल्या उच्च दाबाच्या ब्लास्टिंगमुळे हादरे बसत आहे. त्यामुळे या परिसरामध्ये असलेल्या गावांमध्ये भीतीचे वातावरण पसरलेले आहे. या उच्च दाबाच्या ब्लास्टिंग त्वरीत बंद करण्यात याव्या अशा प्रकारचे निवेदन आमदार संजीवरेड्डी बोदकुरवार यांचे नेतृत्वात तहसीलदार यांना देण्यात आले.
तालुक्यातील कानडा, मुक्टा,शिवणी (धोबे), चनोडा, चोपन,दांडगांव,आपटी,गोरज,हिवरा, वनोजादेवी या गावांना ब्लास्टींगमुळे कंपन (हादरे) बसत आहे. वरोरा तालुक्यातील एकोना खदाणीद्वारे होत असलेल्या उच्च दाबाच्या ब्लास्टींगमुळे मार्डी सर्कल मधील 10 गावांना दुपारी 2 ते 3 वाजताच्या सुमारास कंपन (हादरे) नेहमी बसत आहे.
एकोना ओपन कोलमाईन्स वरोरा द्वारे होत असलेल्या उच्च दाबाच्या ब्लास्टींगमुळे मार्डी परिसरातील 10 गावातील मकानांना तळा (भेगा) जाण्यास सुरुवात झाली आहे. त्या मुळे मकानाचे आयुष्य कमी होत आहे. या ब्लास्टींगच्या कंपनामुळे अनेक वयोवृद्ध लोकांना त्रास सहन करावा लागत आहे.तर लहान मुलांना झोपेतुन अचानक दचकून उठावे लागत आहे.
त्यामुळे त्यांच्या मानसिकतेवर सुद्धा परिणाम होत आहे.तरी एकोना ओपन कोलमाईन्स (वरोरा) या मुळे होत असलेल्या उच्च दाबाचे कंपन त्वरीत बंद करण्यात यावे,जेणेकरुन अनेक गावातील मकानाची वयोमर्यादा कमी होणार नाही व वयोवृद्ध व लहान मुलांच्या मानसिकतेवर परिणाम होणार नाही.
असे निवेदन आमदार संजिवरेड्डी बोदकुरवार यांचे सह तहसीलदार मारेगांव यांना देण्यात आले आहे.या वेळी ज्ञानेश्वर चिकटे तालुका अध्यक्ष भारतीय जनता पार्टी मारेगाव,प्रसाद सुधाकरराव ढवस भारतीय जनता युवा मोर्चा जिल्हा सचिव,विजय खिरटकर,प्रसाद झाडे,गणपत वऱ्हाटे,गणेश झाडे (भाजयुमो),हुकेश नांदे,धनराज ढवस,सुनिल झिले,अभिजीत ढवस,मारोती कोंढेकर,प्रशांत भंडारी,राजु मिलमिले,मारोती तुरणकर.यांचे सह भाजपाचे अनेक कार्यकर्ते उपस्थित होते.
