– वातावरणात गारवा..उकाड्यापासून मुक्ती
-मारेगांव तालुक्यात शेतीच्या कामाची लगबग.
विदर्भ एस पि न्युज नेटवर्क: मारेगाव,
मारेगांव तालुक्यात पंचवीस दिवसाच्या दीर्घ विश्रांती नंतर काल रात्री पासुन पाऊसाला सुरुवात झाली आहे.तर आज दिनांक 26 जुन 2023 रोज सोमवारला सकाळी 6 वाजता पासूनच पाऊसाने हजेरी लावली असुन काही शेतकऱ्यानी धुळ पेरणी केली होती.
पाऊस येत नसल्याने अनेक शेतकऱ्याचा नजरा आकाश कडे लागल्या होत्या तर काही शेतकऱ्याच्या शेतात सिंचनाची सोय असल्याने त्यांची सिंचनाची लगबग सुरू झाली होती.शेतकरी हा जगाचा पोशिंदा आहे.पण या वर्षी जुन महिना 25 दिवस कोरडा गेल्याने अनेक शेतकऱ्यांचे बियाणे जाण्याच्या मार्गावर आहे.
ऐन जुन महिना कोरडा गेल्याने अनेक शेतकऱ्याला दुबार पेरणीचे संकट येण्याची शक्याता नाकारता येत नाही.आधीच मागच्या वर्षी आलेल्या अती वृष्टी व दुष्काळ आणि पुरबुडाई मुळे शेतकरी मेटीकुटीस येवून आहे.आणि त्यातच या वर्षी सुरुवातीलाच निसर्गच्या प्रकोपाने अनेक शेतकऱ्याला आर्थिक संकटाचा सामना करावा लागणार आहे.
मारेगाव तालुका हा आदिवासी बहुल तालुका असुन या तालुक्यात अल्पभूधारक शेतकऱ्याची संख्या अधिक आहे.त्यातच मारेगांव तालुका हा यवतमाळ जिल्ह्यात आत्महत्येस प्रसिद्ध असुन येथील शेतकऱ्यावर दुबार पेरणीचे संकट येण्याचे शक्यता नाकारता येत नाही.
कधी अतीवृष्टी,दुष्काळ तर कधी पुरबुडाई या नैसर्गिक संकटा मुळे तालुक्यातील शेतकरी हा मेटीकुटीस आला आहे.
