मारेगाव शहरातील कला वाणिज्य व विज्ञान महाविद्यालया समोरील घटना.
विदर्भ एस पि न्युज नेटवर्क:- मारेगांव,
मारेगाव येथील कला वाणिज्य व विज्ञान महाविद्यालया समोर भरधाव दुचाकीस्वाराचे दुचाकी वरील नियंत्रण सुटून दुचाकीची रस्त्याच्या कडेला असलेल्या दुभाजकाला जबर धडक दिली या मध्ये दुचाकीस्वार एक जखमी तर दुसरा गंभीर जखमी झाला आहे. हि घटना आज दिनांक 7 ऑगस्ट 2023 सोमवारला सायंकाळी 7:30 वाजताच्या सुमारास घडली.
अभिजित मिलींद दारूंडे वय सुमारे 29 वर्ष व अनिकेत सत्यपाल रामटेके वय सुमारे 28 वर्षे असे अपघातात जखमी झालेल्या व्यक्तींची नाव असून ते हिंगणघाट येथिल रहिवासी आहे.ते आज सायंकाळी 7:30 वाजताच्या सुमारास दोघेही आपल्या दुचाकीने हिंगणघाट येथे जात असताना मारेगाव शहरातील कला वाणिज्य व विज्ञान महाविद्यालया समोर भरधाव दुचाकी वरील दुचाकीस्वाराचे नियंत्रण सुटल्याने त्यांची दुचाकी रस्त्याच्या कडेला असलेल्या दुभाजकाला धडकली.
या मध्ये दुचाकीवरील एक व्यक्ती जखमी झाला तर दुसरा गंभीर जखमी झाला आहे.रस्त्यावरून ये-जा करणाऱ्या काही नागरिकांनी लगेच मारेगाव पोलीसांना सदर घटनेची माहिती दिली व जखमींना लगेच मारेगाव येथील ग्रामीण रुग्णालयात दाखल केले.तेथील डॉक्टरांनी प्रथम उपचार करून दोन्ही जखमींना पुढील उपचारासाठी चंद्रपूर येथे हलविल्याची माहिती आहे.या प्रकरणाचा पुढील तपास मारेगाव पोलीस करत आहे.
