भरधाव वेगातील दोन दुचाकीची समोरा समोर धडक,एक ठार दोन गंभीर जखमी

मारेगाव ते वणी राज्य महामार्गावरील मांगरुळ बस स्टॉप जवळील घटना

गजानन आसुटकर मारेगांव,

मारेगाव ते वणी राज्य महामार्गावर मांगरूळ बस स्टॉप जवळ भरधाव वेगाने येणाऱ्या दोन दुचाकीची समोरा समोर जबर धडक दिली यात एक दुचाकीस्वार जागीच ठार तर दोघे गंभीर जखमी झाले.ही घटना आज दिनांक 26 ऑक्टोंबर 2023 रोज गुरूवारला रात्री 8 वाजताचे सुमारास राज्यमहामार्गावर मांगरूळ बस स्टॉप जवळ घटना घडली असुन

हितेश संजय पारखी वय सुमारे 25 वर्ष रा.मदनापुर ता.मारेगाव असे मृतकाचे नाव असुन राघो चांदबा कोरझरे वय सुमारे 57 वर्ष व मोहन बापुराव मजगवळी वय सुमारे 40 वर्ष दोघेही रा.मांगरूळ ता.मारेगांव जि.यवतमाळ असे अपघातात गंभीर जखमी झालेल्या इसमाचे नाव असुन ते आज काही कामानिमित्त मारेगाव येथे गेले होते तेथील काम आटोपुन आपल्या गावाकडे येत असताना मांगरुळ बसस्टॉप जवळ वणीकडून मारेगावकडे जाणाऱ्या व मारेगावकडून मांगरूळकडे येणाऱ्या दोन्ही दुचाकीची समोरा-समोर जबर धडक दिली.

यात एक दुचाकीस्वार जागीच ठार झाला तर दुसऱ्या दुचाकीवरील दोघेजण गंभीर जखमी झाले.रस्त्यांनी ये-जा करणाऱ्या काही नागरिकांनी घटनेची माहिती मारेगांव पोलिसांनी दिली व त्यांना लगेच मारेगाव येथील ग्रामीण रुग्णालयात दाखल केले.घटनेची माहिती मिळताच मारेगांव पोलीस घटनस्थळी दाखल झाले.असून या प्रकरणाचा पुढील तपास मारेगांव पोलीस करत आहे.