आरोपी विरोधात मारेगाव पोलीस ठाण्यात गुन्हा दाखल
सुरेश पाचभाई मारेगाव
एका अल्पवयीन मुलीला फूस लावून पळवून नेऊन लग्न केल्याची घटना मारेगाव तालुक्यात घडली. मुलगी अल्पवयीन असल्यामुळे मुलीच्या भावाने मारेगाव पोलीस ठाणे गाठत आरोपी विरुद्ध तक्रार दाखल केली असून आरोपी विरोधात गुन्हा दाखल केला आहे.
पीडित मुलगी ही मारेगाव तालुक्यातील असुन.ती नेहमीप्रमाणे दि.28 तारखेला घरच्यांसोबत होती.दि. 29 मार्चला सकाळी 7 वाजता उठल्यावर बहीण घरी दिसून आली नाही.म्हणून भावाने तिची घरी तसेच सभोवताल सगळीकडे शोधाशोध केली असता ती कोठेही दिसून आली नाही.
तसेच नातेवाईकांना बहिणीबद्दल फोन करून विचारले असता ती नातेवाईकांकडे सुद्धा मिळून आली नाही. बहिण कोठेच आढळून न आल्याने शेवटी भावाने मावशीच्या मुलाला फोन केला असता मावस भावाने सांगितले की ती माझ्याकडे नाही परंतु तिच्या लग्नाचे फोटो मात्र माझ्या मोबाईलवर कोणीतरी पाठवलेले आहे.
मुलीचे फोटो बघताच मुलीच्या भावाच्या लक्षात आले की आपला नात्यातीलच एका 22 वर्षीय मुलाने आपल्या अल्पवयीन 17 वर्षे 6 महिन्याची असल्यामुळे बहिणीला लग्नाचे आमिष दाखवून फूस लावून पळवून नेल्याची तक्रार दाखल केली.
पोलिसांनी आरोपी तरुणाविरोधात बीएनएसच्या कलम 137 (2) नुसार गुन्हा दाखल केला आहे.सदर घटनेचा पुढील तपास मारेगाव पोलीस स्टेशनचे पोलीस निरीक्षक संजय सोळंके यांच्या मार्गदर्शनाखाली पोलीस उपनिरीक्षक विक्की जाधव व मारेगाव पोलीस स्टेशनचे पोलीस करित आहे.