उपसंपादक झरी (जामनी) ज्ञानेश्वर आवारी
[88059 79173]
झरी जामणी :- उत्पादनक्षमता मागणी आणि बाजार भाव या त्रयींचा विचार करता वर्तमान स्थितीत शेतकऱ्यांना कमी खर्चात अधिक उत्पादन देणाऱ्या तुर पिकाचे उत्पादन घेणे अधिक फायद्याचे ठरेल असे मत शेती मित्र डॉक्टर दिलीप अलोने यांनी व्यक्त केले.
नागपूर येथील ‘ऍग्रो व्हिजन ‘ प्रदर्शनातील तुरीचे अधिक उत्पादन या विषयावरील कार्यशाळेत तज्ञ शेतकरी म्हणून ते बोलत होते यावेळी आयोजकांच्या वतीने स्मृतीचिन्ह देऊन त्यांचा सन्मान करण्यात आला.सामान्यपणे शेतकरी तुरीकडे दुर्लक्षित पीक म्हणून बघतात मात्र मुख्य पीक म्हणून त्याकडे लक्ष दिले व योग्य व्यवस्थापन केले तर त्याचा फायदा शेतकऱ्याचे जीवनमान उंचावण्यासाठी होऊ शकतो.
असा माझा शेतकरी म्हणून अनुभव आहे हे सांगताना डॉक्टर अलोने यांनी स्वत : दहा क्विंटल पासून एकरी २१ क्विंटल उत्पादनापर्यंत कशी मजल मारली याचे सविस्तर निवेदन केले तसेच बिजारोपणापासून काढणीपर्यंतचे संपूर्ण नियोजन सविस्तरपणे शेतकऱ्यांसमोर मांडले जमिनीची निवड बियाणे लागवड अंतर मशागत खतांचे नियोजन पोलीस व्यवस्थापन कीड नियंत्रण याबाबत सखोल मार्गदर्शन केले गेल्या पंचवीस वर्षापासून ते झरी तालुक्यातील पाटण या गावी आपल्या शेतीत तुरीचे उत्पादन घेत
असून अधिक उत्पादनासाठी नवनवीन प्रयोग व शेतकऱ्यांना मार्गदर्शन करीत असतात कापूस आणि सोयाबीन या पिकाच्या तुलनेत तूर उत्पादनासाठी खर्च कमी असून अधिक उत्पादनाची शाश्वती जास्ती आहे यासाठी तूर उत्पादन शेतकऱ्यांनी घेतले पाहिजे असे मत त्यांनी व्यक्त केले कार्यशाळेत उपस्थित शेतकऱ्यांच्या विविध प्रश्नांना समाधानकारक उत्तरे त्यांनी यावेळी दिली कार्यशाळेला शेतकऱ्यांचा उत्तम प्रतिसाद लाभला होता .