#विदर्भ कोकण ग्रामीण बँक शाखा झरी यांचे कडून लाभाचे वाटप करण्यात आले
तालुका प्रतिनीधी :- झरी (जामणी) ज्ञानेश्वर आवारी
[ 88059 79173 ]
सविस्तर वृत्त असे की…
शासनाच्या विविध योजनांपैकी ग्रामीण व शहरी भागातील बॅंके च्या खातेदारा करिता पंतप्रधान सुरक्षा योजना आहे की ज्या मध्ये खातेदाराचा अपघाती मृत्यू झाल्यास दोन लाख रुपये पर्यंत विमा सुरक्षा आहे त्याकरिता खातेदारांचे वय 18 ते 70 इतके पाहिजे व त्या करिता दरवर्षी 12 रुपये विमा हप्ता भरावा लागतो तसेच ज्या खातेदाराचे वय 18 ते 50 आहे त्यांच्याकरिता पंतप्रधान जीवन ज्योती विमा योजना असून त्या करिता वर्षाला 330 रुपये विमा हप्ता भरावा लागतो व खातेदारांचा नैसर्गिक मृत्यू झाल्यास त्याला दोन लाख रुपये विमा कवच उपलब्ध आहे
तसेच विशेष करून ग्रामीण भागातील 18 ते 40 वयोगटातील खातेदारा करिता अटल पेन्शन योजना राबविल्या जाते त्यामध्ये नाम मात्र दरमहा रक्कम वयाचे साठ वर्षापर्यंत जमा झाल्यानंतर दरमहा 1000, 2000, 3000, पाच हजार पर्यंत पेन्शन मिळते त्या नंतर पत्नीस पेन्शनचा लाभ मिळतो व दोघांचाही मृत्यू झाल्यास वारसास एक लाख 70 हजार ते पाच लाख आठ हजार पर्यंत प्राप्त होते.वरील तीनही योजना केंद्र शासनाच्या असून त्या विदर्भ कोकण ग्रामीण बँक शाखा झरीजामणी मार्फत युद्धपातळीवर राबविल्या जात असून जास्तीत जास्त खातेदाराचा विमा काढण्यात आला आहे ज्यांचा विमा काढल्या गेला नाही त्यांनी शाखेत येऊन शाखा प्रबंधक यांची भेट घेऊन विमा योजना समजावून घेऊन योजनेचा लाभ घेण्याचे या शाखेकडून आवाहन करण्यात आलेले आहे
विदर्भ कोकण ग्रामीण बँकेतील खातेदार रिया सिद्धार्थ पुसाटे यांचा मृत्यू झाला असून त्यांचे वारस सिद्धार्थ बिलवल पुसाटे यांना व प्रकाश किसनराव मसराम यांचा मृत्यू झाला असून त्यांचे वारस करुणा प्रकाश मसराम यांना फुल्या भीमा कुमरे यांचा मृत्यू झाला असून त्यांचे वारस अनिता फुल्या कुमरे यांना प्रधानमंत्री जीवन ज्योती या योजनेअंतर्गत लाभ प्राप्त झाला असून विदर्भ कोकण ग्रामीण बँकेचे शाखा प्रबंधक अविनाश पिसाळकर यांच्या हस्ते प्रत्येकी दोन लाख रुपयांचे वाटप करण्यात आले तसेच ज्यांनी विमा काढला आहे त्यांनी आपल्या खात्यात विमा हप्ता कपात होईल इतकी रक्कम शिल्लक आहे किंवा नाही याची खात्री करून घ्यावी जेणेकरून त्यांच्या विम्याचे नूतनीकरण वेळेवर होईल व या योजनेचा लाभ ग्रामीण भागातील जास्तीत जास्त लाभार्थ्यांना होईल या योजनांचा लाभ जास्तीत जास्त लोकांनी घ्यावा असे आवाहन विदर्भ कोकण ग्रामीण बँक झरी (जामनी)च्या शाखा प्रबंध काने यावेळी केले आहे….
