– राज्य महामार्गावरिल निंबाळा फाटा जवळील घटना
विदर्भ एस.पी.न्यूज नेटवर्क वणी,
मारेगाव येथून चंद्रपूरकडे जात असलेल्या अर्टीका कारला राज्य महामार्गावर निंबाळा फाट्याजवळ भरधाव वेगाने वणीकडून मारेगावकडे येणाऱ्या ट्रकने समोरा समोर धडक दिल्याची घटना आज दिनांक २४ जानेवारी २०२४ रोज बुधवारला दुपारी १२:३० वाजताच्या सुमारास घडली असुन यात एक जण जागीच ठार झाला तर सहा जण गंभीर जखमी झाले आहे.
सविस्तर वृत्त असे की..
शेख नवाज शेख मुजफ्फर वय सुमारे २९ वर्ष रा.मारेगाव वार्ड क्रमांक १३ ता.मारेगाव असे कार अपघात ठार झालेल्या व्यक्तीचे नाव आहे.तर कमर सयद वय सुमारे ३३ वर्ष,हाजरा शेख मुजफ्फर वय सुमारे ६० वर्ष, झेबा शेख बरकत वय सुमारे २५ वर्ष,हुसेन शेख बरकत वय सुमारे ४ वर्ष,अहमान शेख बरकत वय सुमारे दीड वर्ष हे सर्व रा.मारेगाव येथील रहिवाशी आहे तर आलीया शेख वय सुमारे १५ वर्ष हे मारेगाव तालुक्यातील मार्डी येथील रहिवाशी असून असे त्या अपघातातील गंभीर जखमी झालेल्या व्यक्तीचे नाव आहे.
नवाज याचे मारेगाव येथील बाजारवाडी परिसरात किराणा दुकान असुन त्याचे लग्न तिन महिण्याआधी झाल्याची माहिती आहे.तो आज दिनांक २४ जानेवारी २०२४ रोज बुधवारला मारेगाव येथून चंद्रपूर येथे कारने परीवारासोबत आजारी असलेल्या नातेवाईकांस भेटण्यासाठी जात होता.पण मारेगाव शहरापासून अवघ्या सुमारे ८ कि.मी अंतरावर असलेल्या निंबाळा बस स्टॉप पासून हाकेच्या अंतरावर भरधाव वेगात समोरून येणाऱ्या ट्रकने जबर धडक दिली.
अपघात होताच रस्त्यानी ये-जा करणाऱ्या काही नागरिकांनी घटनास्थळी धाव घेतली व सदर घटनेची माहिती वणी पोलीसांना दिली व जखमीना वणी येथील ग्रामीण रुग्णालयात दाखल केले पण तेथील डॉक्टरांनी नवाज याला मृत्यू घोषीत केले.तर सदर अपघातातील इतर सहा व्यक्ती गंभीर जखमी झाले असुन मृतक नवाजच्या पश्चात आई,पत्नी,एक भाऊ असा आप्तपरिवार आहे.या घटनेचा पुढील तपास वणी पोलीस करत आहे.
