मारेगाव पोलीस स्टेशन येथे होते कार्यरत
सुरेश पाचभाई मारेगाव
मारेगाव पोलीस स्टेशन येथे कार्यरत असलेले पोलीस हेड कॉन्स्टेबल अफजल शब्बीर पठाण यांचा अल्पशा आजाराने मृत्यू झाला.ते 43 वर्षाचे होते.त्यांचेवर नागपूर येथील एका खासगी रुग्णालय येथे उपचार सुरु होते.
अगदी मनमिळावु स्वभावाचे पोलीस हेड कॉन्स्टेबल अफजल शब्बीर पठाण हे गेल्या एक महिन्यापासून पोटाच्या आजाराणे ग्रस्त होते. त्यांचेवर नागपूर येथील एका खाजगी दवाखान्यात उपचार सुरु होते.अफजल हे पोलीस स्टेशन मारेगांव येथे दि.29 ऑक्टोंबर 2021 रोजी रुजु झाले होते.
ते दिनांक 5 डिसेंबर 2024 रोजी पोटाचा आजार असल्याने मारेगाव येथुन वैधकीय रजेवर गेले होते.पोहेकॉ.अफजल यांचेवर नागपूर येथे उपचार सुरु असतांना आज दिनांक 31 जानेवारी 2025 रोज शुक्रवारला दुपारी 3 वाजता त्यांची प्राणज्योत मालवली.
त्यांचे पार्थिवावर उद्या दि. 1 फेब्रुवारी 2025 रोज शनिवारला सकाळी 11 वा. त्यांचे स्वगावी पुसद येथे अंत्यविधी करण्यात येणार आहे.त्यांच्या मागे आई,वडील,पत्नी,चार मुली आप्त परिवार आहे.
