नऊ केंद्राचे मतदारांच्या सोयीसाठी विभाजन
सुरेश पाचभाई मारेगाव,
मारेगाव तालुक्यात आगामी विधानसभा सार्वत्रिक निवडणूकीच्या दृष्टीकोणातून मतदारांच्या सोयीसाठी दोन केंद्रात वाढ करण्यात आहे. तर सहा केंद्रात मागणी नुसार विभाजन करण्यात आले आहे. त्यामुळे मतदारांना आता मतदान करणे पूर्वी पेक्षा जवळ सोयीचे होणार आहे.
तालुक्यातील कांही गावातील मतदारांना मतदान केंद्रावर पाच ते सात किमी चे अंतर पार करुण मतदान करायला जावे लागत होते.त्यामुळे मतदान करायला जाणे गैरसोयीचे होत असल्याने याचा परिणाम मतदानावर होत असे.त्यामुळे कमी अंतरावर मतदान केंद्र द्यावे अशी मागणी मतदारांनी केली होती.याबाबत आ.संजीवरेड्डी बोदकुरवार,तालुका कांग्रेस चे अध्यक्ष मारोती गौरकार, शिवसेना (उबाठा गट) जिल्हा संघटक डीमन टोंगे,भाजपा तालुका अध्यक्ष अविनाश लांबट आदीनी तहसीलदार मारेगांव तथा सहाय्यक मतदार नोंदणी अधिकारी 76 वणी विधानसभा मतदारसंघा चे उत्तम निलावाड यांचेकडे मागणी केली होती.
आलेल्या सूचनाचा विचार करुन मा.उपविभागीय अधिकारी वणी तथा मतदार नोंदणी अधिकारी, 76 वणी विधानसभा मतदारसंघ यांचे मार्गदर्शनखाली तहसीलदार मारेगांव यांनी खैरगाव बुटी आणि मेंढणी या गावात नवीन मतदान केंद्र निर्माण केले आहे. तर नरसाळा येथील दोन केंद्रा पैकी घोडदरा येथे एक केंद्र देण्यात आले आहे. मच्छिद्रा येथील दोन केंद्रा पैकी एक ‘डोलडोंगरगाव, गौराळा येथील दोन केंद्रा पैकी एक वरुड, नवरगाव येथील दोन केंद्रा पैकी एक टाकरखेडा, बुरांडा ख येथील दोन केंद्रा पैकी एक हटवांजरी,तर सिंधी (म) येथील दोन केंद्रा पैकी एक केंद्र महागाव येथे स्थलातरीत करण्यात आले आहे.
तर दापोराचे मतदार बोरी बु मोयेथून काढून चिंचमंडळ येथे, खापरीचे मतदार करणवाडी केंद्रातून काढून बुरांडा ख येथे तर आवळगाव येथील मतदार जळका येथून काढून खैरगाव भेदी येथील मतदान केंद्रात जोडण्यात आले आहे.नव्या बदलाची मतदारांनी नोंद घ्यावी असे आव्हान तहसीलदार तथा सहाय्यक मतदार नोंदणी अधिकारी 76 वणी विधानसभा मतदारसंघ उत्तम निलावाड यांनी केले आहे.
