कृषि विभागाचा उपक्रम
सुरेश पाचभाई मारेगाव
मारेगाव: तालुक्यातील वेगाव (मठ) येथे राष्ट्रीय अन्न सुरक्षा अभियान अंतर्गत शेतकरी प्रशिक्षण नुकतेच संपन्न झाले. कृषि विभागामार्फत आयोजित या शेतकरी प्रशिक्षणात प्रमुख मार्गदर्शक म्हणून प्रगतीशील शेतकरी कैलास डोंगरकर यांची प्रमुख उपस्थिती लाभली.
कृषि विभागाच्या विविध योजना, महाविस्तार AI app व कार्यक्रमाची रूपरेषा याबाबत तालुका कृषि अधिकारी दिपाली खवले यांनी शेतकऱ्यांना संबोधित केले.
प्रमुख मार्गदर्शक प्रगतीशील शेतकरी कैलास डोंगरकर यांनी फळबाग लागवड, बांबू लागवड व बांबू लागवडीचे अर्थशास्त्र तसेच त्यांचे शेतातील प्रयोग याविषयी शेतकऱ्यांना सखोल मार्गदर्शन केले. मंडळ कृषि अधिकारी किशोर डोंगरकार यांनी जमिनीतील सेंद्रिय कर्बाचे महत्त्व व सेंद्रिय कर्ब वाढविण्यासाठी उपाययोजना याविषयी संवाद साधला.
तालुका तंत्रज्ञान व्यवस्थापक प्रसन्न पारस्कर यांनी कडधान्य पिकांच्या अधिक उत्पादनाचे तंत्रज्ञान याविषयी शेतकऱ्यांसोबत चर्चा केली. कार्यक्रमाचे उत्कृष्ट नियोजन व संचालन सहायक कृषि अधिकारी निखिल पवार यांनी केले तर आभार प्रदर्शन सनथ घोसळकर यांनी केले.
कार्यक्रमाकरिता वेगावच्या सरपंच श्रीमती देरकर मॅडम , उपसरपंच दीपक कळसकर , निलेश गौरकर, सुनील टोंगे, योगेश्वर कापसे, अजय बदकी,आकाश राजुरकर, राजेश सूर ,परम पांडे , गौरव कळसकर,प्रवीण वैद्य यांचेसह परिसरातील भरपूर शेतकरी उपस्थित होते.
