वडीलांच्या तक्रारीवरून मारेगाव पोलीस स्टेशनमध्ये गुन्हा दाखल
सुरेश पाचभाई मारेगाव,
मारेगाव तालुक्यातील एका गावातील 17 वर्षीय कुमारिका मजुरीने शेतात कापूस वेचायला गेली होती.मात्र संध्याकाळी ती घरी परत आलीच नाही.त्या मुळे अज्ञात इसमाने मुलीला पळवून नेल्याचा संशय आल्याने मुलीच्या वडिलांनी मारेगाव पोलीस ठाण्यात तक्रार दाखल केली असुन तक्रारीप्रमाणे पीडिता ही मारेगाव तालुक्यातील एका गावात राहते.
ती 17 वर्षांची असून ती तिच्या आई,वडिलांसोबत राहते.व ती शेतमजुरी करून कुटुंबाला हातभार करायची पण दिनांक 14 डिसेंबर 2023 रोजी सकाळी 10 वाजता पीडिता ही गावातील एक महिला यासह ऑटोत बसून कापूस वेचण्यासाठी म्हैसदोडका येथील शेत शिवारात गेली होती पण संध्याकाळी इतर सर्व महिला परतल्या मात्र 17 वर्षीय कुमारिका पीडिता ही घरी परत आली नाही.
त्यामुळे पीडितेच्या आई वडिलांनी मुलीचा शोधाशोध घेतला.मात्र पीडितेचा काही थांग पत्ता लागला नाही.त्या मुळे अखेर वडीलांना मुलीला कुणीतरी अज्ञात व्यक्तीने फूस लावून पळवून नेल्याचा संशय आला.त्यामुळे पीडितेच्या वडिलांनी लगेच मारेगाव पोलीस स्टेशन गाठत याबाबत तक्रार दाखल केली.पोलिसांनी अज्ञात आरोपीविरोधात भादंविच्या कलम 363 कलम नुसार गुन्हा दाखल करण्यात आला.असून सदर प्रकरणाचा पुढील तपास मारेगाव पोलीस करीत आहे.
