डोंगरगांव येथील स्वतःच्या शेतात केली आत्महत्या
मारेगाव तालुका प्रतिनिधी:-प्रमोद रा.मेश्राम
मारेगाव तालुक्यात आत्महत्या रोखण्यासाठी प्रशासना कडून ठोस उपाय योजना केल्या जात नाही.तालुक्यात आत्महत्या थांबण्याचे नाव घेत नाही.वेगाव येथील एका 40 वर्षीय व्यक्तिने डोंगरगांव ता.वणी येथील स्वतःच्या शेतात गळफास घेऊन आत्महत्या केल्याची घटना काल दिनांक 10 ऑक्टोंबर 2024 रोज गुरुवारला सायंकाळी 7 वाजताच्या सुमारास घटना उघडकीस आली.
सविस्तर वृत्त असे की..
संतोष लटारी धोटे वय सुमारे 40 वर्ष रा.वेगाव ता.मारेगाव असे गळफास घेऊन आत्महत्या केलेल्या व्यक्तीचे नाव असुन त्याच्या वडिलांच्या नावाने डोंगरगांव शेत शिवारात 4 एकर शेती असल्याची माहिती आहे.तो शेती करुन आपल्या कुटुंबाचा उदरनिर्वाह करायचा.बातमी लीहिपर्यंत आत्महत्येचे नेमके कारण कळू शकले नाही.
संतोष हे काल सायंकाळी वेगाव येथुन घरी डोंगरगांव येथील शेतात जातो असे सांगुन शेतात गेले होते.पण बराच वेळ झाला तरी ते घरी परतले नाही त्या मुळे कुटुंबातील काही सदस्य शेतात गेले असता त्यांना संतोष यांनी गळफास घेवून आत्महत्या केल्याचे दिसले. ही बाब कुटुंबियांच्या निदर्शनास आल्यानंतर त्यांनी या घटनेची माहिती लगेच वणी पोलिसांना दिली.
माहिती मिळताच पोलीस घटनास्थळी दाखल झाले.पंचनामा करुन शव उत्तरीय तपासणी साठी रात्री वणी येथील ग्रामीण रुग्णालयात हलविण्यात आले मृतक शेतकरी संतोष यांचे पश्चात आई, वडील,पत्नी,एक मुलगा,एक मुलगी असा आप्त परिवार आहे.या प्रकरणाचा पुढील तपास वणी पोलीस करत आहे.संतोषवर वेगाव येथील निर्गुळा नदीच्या काठावर आज अंत्यसंस्कार करण्यात आले.
