चंद्रभागा स्वछता अभियानात दरवर्षी होतात सहभागी
सुरेश पाचभाई मारेगाव
पंढरपूर येथील चंद्रभागा नदी स्वछता अभियानामध्ये सहभागी होण्यासाठी तालुक्यातील कानडा व हिवरा – मजरा येथील गुरुदेव उपासक पंढरपूरकडे रवाना झालेले आहे.
दरवर्षी आषाढी वारीनिमित्ताने पंढरपूर येथे विठ्ठल भक्तांची मांदियाळी असते. महाराष्ट्र तसेच देशाच्या कानाकोपऱ्यातून वारकरी पंढरपूर येथे दर्शनासाठी जातात. मग या पंढरपूरच्या चंद्रभागा नदीमध्ये मोठया प्रमाणात घाणीचे साम्राज्य निर्माण होतात.अशावेळी ही घाण स्वच्छ करण्याचे महत्वाचे कार्य हाती घेणाऱ्या गुरुदेव उपासक सेवकराम मिलमिले यांच्या मार्गदर्शनामध्ये हा उपक्रम चालत असतो.
या उपक्रमामध्ये तालुक्यातील अनेक गुरुदेव उपासक सहभागी होतात. कानडा येथील सरपंच सौ.सुषमा रुपेश ढोके यांच्या नेतृत्वात तालुक्यातील कानडा व हिवरा – मजरा येथून अनेक गुरुदेव उपासक या उपक्रमामध्ये सहभागी झाले.यामध्ये रुपेश ढोके, सूरज येवले, पंढरी येवले, हरिश्चंद्र डाहुले, दिवाकर गाडगे, रामदास ढेंगळे यांच्यासह अनेक गुरुदेव उपासक सहभागी झाले.
