तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी जामणी :- जबरी चोरी प्रकरणी प्रथम वर्ग न्यायदंडाधिकारी झरी श्री.बी.एस.वाढई यांनी आरोपी नामे दत्ता सुरेश लिंगरवार वय ३५ वर्षे रा.सदोबा सावळी ता.आर्णी जि.यवतमाळ यास तीन वर्षे ३०००/- रुपये दंडाची सश्रम कारावासाची शिक्षा दी. २०/१२/२०२२ रोजी सुनावली आहे.
सविस्तर वृत्त असे की.
झरी तालुक्यातील पोलीस स्टेशन पाटण अंतर्गत फिर्यादि ही राहते.दि.३०.१२.२०२० रोजी फिर्यादी ही तीचे शेतात कापुस वेचण्याकरीता गेली होती दुपारी २.००वाजताच्या दरम्यान जेवण करण्याकरीता बसुन असताना मागुन आरोपी आला तो अनोळखी असल्याने फिर्यादी ही मुलाला आवाज दिला तेव्हा आरोपीने फिर्यादीस जमीनीवर पाडले व गळा दाबले व कानातील सोन्याच्या बि-या काढुन घेवुन मोटारसायकल ने पळुन गेला ही बाब समजताच पाटण पोलिसांनी पाठलाग करुन आरोपीला घटनेच्या जवळच कमळवेल्ली पुलाजवळ पकडले.
फिर्यादी ही पोलीस स्टेशन पाटणला हजर होवुन घटनेचा रिपोर्ट दिला वरुन पोलीसांनी आरोपी विरूद्ध भादवीचे कलम ३९२ अंतर्गत गुन्हा नोंद केला व सदर गुन्हाचा तपास पोलीस उपनिरीक्षक श्री गणेश मोरे यांनी करून प्रकरण न्यायप्रविष्ठ केले प्रकरणात सरकारी पक्षाचे वतीने फिर्यादी, तपास अधिकारी यांचे सह पाच साक्षदारांचे पुरावे नोंदविण्यात आले साक्षदाराचे बयाण ग्राह्य धरुन न्यायालयाने आरोपींस वरील प्रमाणे शिक्षा सुनावली यात सरकारी पक्षाचे वतीने सहाय्यक सरकारी वकील श्री पी डी कपुर व ठाणेदार श्री संदीप पाटील यांचे मार्गदर्शनाखाली कोर्ट पैरवी जमादार मारोती टोंगे व नापोका संतोष मडावी यांनी काम पाहीले.
