सुरेश पाचभाई :- संपादक विदर्भ एस.पि.न्युज.नेटवर्क मारेगांव,
पुणे येथे नुकतेच पार पडलेल्या राज्यस्तरीय पुरस्कार सोहळ्यात स्वप्नल फाउंडेशन पुणे यांनी महाराष्ट्र राज्यातील कला, क्रीडा , सामाजिक आणि सांस्कृतिक क्षेत्रातील उत्कृष्ठ कामगिरी करणाऱ्या व्यक्तींना राज्यस्तरीय पुरस्कार देऊन गौरविण्यात आले.
पुणे येथे पार पडलेल्या या कार्यक्रमात मुळगाव चि.बोटोनी जिल्हा यवतमाळ सध्या राहणार कोंढवा बुद्रुक,पुणे येथील हिंदरत्न कु.मनस्वी विशाल पिंपरे हिला स्केटिंग मधुन अष्टपैलू कामगिरी करिता तिला आदर्श बालगौरव पुरस्कार प्रदान करण्यात आला.
स्वप्नल फाऊंडेशन अध्यक्षा सौ.शोभाताई बल्लाळ, निवृत्त जिल्हा न्यायाधीश पुणे रवींद्र कुलकर्णी, तसेच माईंड पॉवर ट्रेनर डॉ.दत्ताजी कोहिनकर यांच्या हस्ते मनस्वीला हा पुरस्कार देण्यात आला.मनस्वीने नुकतेच मेडलचे शतक पूर्ण केले त्यामध्ये 82 सुवर्ण पदके , 9 रजत पदक आणि 9 कांस्य पदक आहेत. याशिवाय 2023 ची नॅशनल स्केटिंग चॅम्पियन आहे.
गिनिज वर्ल्ड रेकॉर्ड सह अनेक जागतिक विक्रम मनस्वीने वयाच्या अवघ्या सहाव्या वर्षी हे सुवर्ण यश संपादन केले आहे. मनस्वीला अष्टपैलू कामगिरी आतापर्यंत विविध 14 पुरस्कार मिळाले. ती सध्या रॉक ऑन व्हील स्केटिंग अकॅडमी पुणे येथे प्रशिक्षण घेत असून तिच्या यशात तिचे प्रशिक्षक व तिच्या पालकांचा खुप मोठा वाटा आहे. तिला मिळालेल्या आदर्श बालगौरव पुरस्कारा मुळे तिचे सर्वत्र कौतुक केले जात आहे.
