गोंडबुरांडा येथील येथील घटना
सुरेश पाचभाई मारेगाव,
गावा पासून काही अंतरावर असलेल्या शेतात बैल चारण्यासाठी गेलेल्या एका शेतकरी पुत्राचा विहिरीत बुडून मृत्यू झाल्याची घटना तालुक्याती गोंडबुरांडा येथे घडली.अमोल भदुजी पारखी वय 42 वर्ष रा.गोंडबुरांडा असे विहिरीत बुडून मृत्यू झालेल्या शेतकरी पुत्राचे नाव असून
अमोल यांच्या वडिलांच्या नावाने 3 एकर शेती असल्याची माहिती आहे. अमोल हा काल दिनांक 26 डिसेंबर 2024 रोज गुरुवारला दुपारी 2 वाजताच्या सुमारास त्याने ठेक्याने केलेल्या शेतात बैल घेवुन गेला होता.सायंकाळी 6 वाजच्या सुमारास बैल हे स्वताच घरी परत आले परंतु अमोल हा बैलांन सोबत घरी परत आला नाही.
त्या मुळे कुटुंबातील काही सदस्यांनी त्यानी ठेक्यांने केलेल्या शेताकडे जावुन पाहीले असता तो कुठेही दिसुन आला नाही.त्यांनी परिसरात सगळीकडे शोधाशोध घेतला परंतु त्याचा थांग पत्ता लागला नाही. अखेर त्यांनी शेतातील विहीरीकडे जावुन पाहीले असता अमोल भदुजी पारखी यांची चपला विहीरीतील पाण्यावर तरंगतांना दिसल्या मुळे नातेवाईकांनी गावातील लोकांच्या मदतीने लोखंडी गरच्या साह्याने विहीरीच्या पाण्यात शोध घेतला असता अमोल भदुजी पारखी हा मृत अवस्थेत दिसुन आला.
सदर घटना काल दिनांक 26 डिसेंबर 2024 रोज गुरुवारला रात्री 8 वाजताच्या सुमारास उघडकीस आली. त्यांच्या नातेवाईकांनी लगेच मारेगाव पोलीस स्टेशनला सदर घटनेची माहिती दिली. माहिती मिळतात पोलीस लगेच घटनास्थळी दाखल झाले.त्यांनी मृतदेहाचा पंचनामा करून उत्तरीय तपासणी करिता मारेगाव येथील ग्रामीण रुग्णालयात हलविण्यात आले होते.
मृतक अमोल यांचे पश्चात आई,वडील,पत्नी ,एक मुलगा, एक मुलगी असा आप्त परिवार आहे. वृत्त लिहिपर्यंत मृत्यूचे नेमके कारण कळू शकले नाही. या प्रकरणाचा पुढील तपास ठाणेदार संजय सोळंके यांचे मार्गर्शनाखाली जमादार दिगांबर कीनाके करीत आहे.
